[A:༤༩]གཉེར་ཅན་བརྒྱར་ལོངས་པར་དཔལ་དུས་ཀྱི་འཁོར་ལོའི་བདག་པོ་ཆེན་པོའི་བར་གྱི་ཡོངས་རྫོགས་དབང་ཆ་བཞི་གནང༌། ལྕགས་སྦྲུལ་ཟླ་བ་ལྔ་པར་བསྟན་འཛིན་ཆོས་ཀྱི་རྒྱལ་པོའི་དཔུང་ཆེན་གཞིས་ཀ་རྩེར་འབྱོར་པའི་དབུས་གཙང་ཐམས་ཅད་དུས་གཅིག་ཏུ་མི་བདེ་བའི་བདེ་གཟར་ཆེན་པོ་ལངས། སྟོན་ག་ས་སྐྱོང་བསོད་ནམས་རབ་བརྟན་ཀྱང་དཔུང་ཐོག་ཏུ་ཕེབས། རྒྱལ་བ་ཙོང་ཁ་པ་ཆེན་པོའི་སྔགས་ཆོས་གསན་ས་ཕལ་ཆེར་བུ་སྟོན་ཐམས་ཅད་མཁྱེན་པའི་ཞལ་སློབ་རྣམས་ཡིན་པའི་གྲགས་པ་དང༌། སྡེ་སྲིད་ཀྱི་ཞབས་ཕྱིར་བཞུགས་སྐབས་སྐུ་དྲུང་ཤཱཀ་ལྷུན་པ་སོགས་དང་བཅས་ཐུགས་འདྲིས་ཀྱང་ཡོད་ཆོད་ཀྱིས་ལྟ་གྲུབ་མི་གཅིག་པ་འཁྲོད་ནས་གཟིགས་ཕྱོགས་ལེགས་པ་འདྲ་ཞིག་འདུག་པ་བཞིན་རྗེ་ཉིད་ཀྱིས་གཙོས་པའི་རི་མཐིལ་གྱི་ཆེན་སློབ་རྣམས་མཇལ་བར་ཕེབས་པར་ཐུགས་མཉེས་མཉེས་དང་སྤྱི་སྒེར་དུ་བསླབ་སྟོན་གནང༌། མི་རིང་བར་དཔོན་སློབ་པཎ་ཆེན་རིན་པོ་ཆེ་ཞ་ལུའི་མཁན་ཐོག་ཏུ་གདན་དྲངས་ཆོག་པ་སྙན་བཅགས་ཕུལ། བདེ་གཟར་ཐག་ཆོད་ནས་སྤྱི་སོའི་ཞུ་ཡིག་འབུལ་བ་དང་བཅས་མཁན་པོའི་སྐོར་གྱི་སྙན་འབུལ་ཞུ་བར་སྔ་པ་བསོད་ནམས་རབ་བརྟན་གྱི་སྐུ་ཞབས་སུ་བྱོན་པར་དོན་རིས་འདི་ལ་སྟེར་བྱ་ཅི་ལ་དགོས་པས་ཕྱིར་སློག་ཡོད། ཁྱེད་རང་རྣམས་ཀྱིས་ཀྱང་དཔོན་སློབ་ཞབས་དྲུང་རིན་པོ་ཆེར་གསོལ་བ་ཐོབ། འདི་ནས་ཀྱང་སྙན་འབུལ་ཞུས་པའི་སྐོར་ཞག་དུས་ཐོག་ཏུ་བྱེད་གནང་བ་བཞིན་ཞ་ལུ་ཆེན་སློབ་དང་གཞུང་གི་མི་སྣ་བཅས་བཀྲ་ཤིས་ལྷུན་པོར་སྙན་འབུལ་ཕུལ་པས། པཎ་ཆེན་ཆོས་ཀྱི་རྒྱལ་པོའི་བཀའ་ལས། ངེད་ན་སོ་འདི་ལས་གཞོན་པ་ཞིག་ཡིན་ན་ཀུན་