[A:༥༢]པའི་ཐུགས་རྗེ་ཆེན་པོའི་མཐུས་མི་འཁྲུགས་པའི་སྐུ་པར་གནང་སྐབས་ཕྱོགས་ནུབ་བྱང་ནས་བྱ་རྒོད་ཅིག་འཕུར་བའི་རྗེས་ལ་འཇའ་དཀར་པོ་ཞིག་ཏལ་གྱི་ཟུག་པ་དང་སྲོག་ཤིང་འཛུགས་ཉིན་འཇའ་ཁ་དོག་ལྔ་ལྡན་སྲོག་ཤིང་ལ་གདུགས་ལྟར་ཕུབ་པ་དྲི་མེད་ཀྱི་དཀྱིལ་འཁོར་ལ་ཞལ་ཁེབས་གཏང་ན་མི་གསལ་ཞིང་ཕྱེ་ན་གསལ་བ་སོགས་ངོ་མཚར་བའི་ལྟས་ཁྱད་པར་ཅན་དང༌། རྗེ་བཙུན་བཀའ་འགྱུར་བའི་མནལ་ལམ་གཉིས་གང་ལ་དཔགས་ཀྱང་དྲུང་ཆེན་མངོན་མཐོའི་སྐས་ལ་འཛེགས་ནས་མཐོ་རིས་ཀྱི་གྲོང་དུ་རིང་པོར་མི་ཐོགས་པར་འཇུག་པའང༌། ཇི་སྐད་དུ། གང་ཞིག་གསེར་གྱི་རི་ལ་གནས་བཅས་པའི། །དེ་ཡི་འདབ་ཆགས་རྣམས་ཀྱང་གསེར་དུ་འགྱུར། །ཞེས་པ་ལྟར་དམ་པའི་ཞབས་ཡུན་དུ་བསྙེན་པའི་ཕན་ཡོན་དུ་མངོན། སྐབས་ཤིག་རྨང་ལམ་དུ་རྒྱན་གོང་གི་གཙུག་ལག་ཁང་དུ་བྱོན་ཟེར་བ་ཞིག་བྱུང་བ་ལྟར་ཕྱིན་པས་ལྷ་མོའི་གཙང་ཁང་དུ་སླེབས་པ་དང་བུད་མེད་ཀྱི་དཀོན་གཉེར་བྱས་ནས་ལྷ་མོའི་སྐུ་འདི་རྣམ་པ་ཙམ་ཡིན། ལྷ་མོ་རང་འདིའི་རྒྱབ་ཀྱི་སྒོ་ཆུང་འདིའི་ནང་ལ་ཡོད་ཟེར་དེ་ང་ལ་སྟོན་དང་གསུང་པས་ད་ལྟའི་སྐུ་འདྲའི་རྒྱབ་ན་སྒོ་ཆུང་འདུག་པ་ཕྱེ་སྟེ་དེ་ནང་དུ་ཁྲིད་ནས་འདི་ཡིན་ཟེར་རྡོ་རྗེ་སེམས་དཔའི་གསེར་སྐུ་མི་ཚད་ཙམ་ལེགས་པོ་ཞིག་བསྟན་བྱུང༌། སླར་ལྷ་མོའི་སྐུ་མདུན་དུ་ཕེབས་པ་ན་ངེད་རྒྱན་གོང་པ་རྣམས་འདི་རང་འདོན་ཞེས་ཤློཀ་གཅིག་ཤར་ཏེ་བཏོན་བྱུང་བ་དེ་ང་ལ་སློབས་དང་གསུངས་པས། གཞི་ལ་དམིགས་པའི་ངང་ཉིད་ལས། །དང་པོ་རེ་ཕྱར་གྱོན་པར་བྱ། །སྨུག་ནག་མ་ཆེན་འཁོར་ནི་འབུམ། །ཚིག་གཅིག་ཐུགས་ཀྱིས་བསྙེལ། ད་དུང་མཇལ་ལམ་ཟེར་ནས་གཡབས་