[A:༧༧]བའི་དགོངས་པ་བསྟད། མཁན་པོ་འོས་མི་འོས་སྣ་ཚོགས་པའི་ཁྲོད་ནས་འདྲེ་དང་གླུད་ཀྱི་དཔེ་བཞིན་ཆོས་རྗེ་ཐམས་ཅད་མཁྱེན་པའི་བསྟན་པར་ཁ་ཕྱོགས་མ་ལོག་པ་ཞིག་གལ་ཆེ་གཤིས་རྗེ་ཉིད་སྐུ་མཚམས་ལ་བཞུགས་ཐོག་ས་སྐྱོང་འཕྲིན་ལས་རྒྱ་མཚོས་ཕྱག་ཐམ་མཛད་པ་བཞིན་འདི་ནས་ཀྱང་ད་ལམ་སྐུ་མཚམས་ཀྱི་ཐོག་སྙན་གསན་བྱུང་ན་རྒྱལ་བ་གཉིས་པ་བུ་སྟོན་རིན་པོ་ཆེའི་བཞུགས་ཁྲི་ཆོས་ཕྱོགས་སུ་མ་ཟད་འཇིག་རྟེན་ཕྱོགས་ནས་ཀྱང་ཤར་རྒྱལ་པོས་ཤེལ་ཐམ་གནང་བ་སོགས་འགངས་ཆེ་བས་དངོས་གྲུབ་ཀྱི་སྒོ་བྱེ་བ་ལྟ་བུར་འདུས་པས་ཞལ་ལེན་གནང་བ་འགབ་ཚུལ་ཞུས་ཧོར་ཟླ་བཅུ་གཅིག་པའི་ནང་དུ་ཁྱབ་བདག་ཞ་ལུ་པ་ཆེན་པོ་པོ་ཏ་ལར་ཕེབས་རྡོར་དབྱིངས་ཀྱི་དབང༌། ལམ་འབྲས་པོད་ནག །ཛམ་དམར་སྲོག་སྒྲུབ་ཀྱི་རྗེས་གནང་མན་ངག་སྐོར། སྐྱེར་སྒང་པའི་ཐུགས་རྗེ་ཆེན་པོ་གཙོ་འཁོར་གསུམ་པ། བ་རི་ལུགས་ཀྱི་རྣམ་འཇོམས། སེངྒེ་སྒྲའི་རྗེས་གནང་དང་ངག་བསྲུང་འགྲོལ། དུར་ཁྲོད་བདག་པོའི་ལས་ཚོགས་ཀྱི་ལུང་སོགས་ཞུས། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་འདུལ་བའི་བསླབ་བྱའི་ལུང་ཕུལ། ཕེབས་རྫོང་དང་བསྐོ་འཇའི་ཚན་གྲངས་ཚོགས་ཆེན་ལ་འབྲུ་འགྱེད། གཞིས་རྩེར་སྡེ་པའི་ཕྱག་ཐམ་དང་བཅས་ཆིབས་ཁ་གཙང་དུ་བསྐྱོད། ཆུ་ཕོ་སྟག་གི་ལོ་ཆོ་འཕྲུལ་མཆོད་པའི་དུས་ཆེན་ཚེས་དྲུག་གི་འཕྲོད་སྦྱོར་ཕུན་སུམ་ཚོགས་པའི་ཚེ་གངས་ཅན་གྱི་ལྗོངས་འདིར་གནས་ལྔ་རིག་པ་སྨྲ་བ་ལ་ཟླ་མེད་པའི་པཎྜི་ཏ་ཆེན་པོ་བུ་སྟོན་རིན་ཅེན་གྲུབ་ཅེས་མ་བྱོན་སངས་རྒྱས་གསུམ་པ་རབ་གསལ་གྱི་རྣམ་པར་སྤྲུལ་པའི་གདན་ས་དཔལ་