[A:106]brnyan tsam zhig snang / /rdo rje theg pa'i bstan pa ni/ /gzugs brnyan tsam yang mi snang ngo / /zhes deng sang rgyud sde bzhi'i smin grol mtshan nyid dang ldan pa ni shin tu dkon zhing bstan pa phyi dar gyi 'gor 'jig rten gyi mig gcig pu rin chen bzang po sogs kyi bka' drin las rnal 'byor rgyud dar rgyas che ba rim gyis 'grib par nye ba na/ kun mkhyen bu ston gyis bstan pa gso bar bzhed nas yig 'jog dang phyag len gtso bor mdzad cing / mkhyen rab chos rjes nga dga' ldan nas rgyal ba bu ston chos rjes rnal 'byor rgyud kyi bstan pa spel bar btang ba yin te lag rjes blo kha rdzogs pa zhig ma byung / chos rje'i drung du rnal 'byor rgyud la bya ba byas tshul zhur 'gro dgos pa yod na'ang / ngo gnong ba las med gsung ba rnam thar du gsal zhing / khyab bdag bka' 'gyur ba chen pos/ /rnal 'byor rgyud 'di phyag len dka' las dkon pa 'dug pas dar zhing rgyas pa zhig byung na bsams gong dkar chos sder yo ga sgrub mchod nyin gcig spar thub/ da zha lur rnal 'byor rgyud kyi dkyil 'khor bcu gsum po sgo bzhi'i phyag len gar dbyangs rgyas pa zhig tshugs la re yin zhes rje 'di nyid la gsung gleng byung ba sogs la brten bstan pa'i 'phel rgyas dang bla ma rnams kyi bzhed pa skong byed rnal 'byor rgyud kyi dkyil 'khor bcu gsum po khro spro gar dbyangs sogs cha tshang ba'i steng 'jigs byed dang gnas bcu mchod pa gnyis bsnan te khag bco lnga nyin bco lnga'i bar gyi sgrub mchod rdo rje 'chang gnas gsar ba khu dbon dang mkhas grub dpal ldan don grub kyi dgongs rdzogs/ dam pa nyid kyis lam gyi bogs 'don pa'i tshogs gsog la dgongs te