[A:107]bkras btags/ rnam rgyal gyi mchod rten/ sku par legs pa/ kha thi dmar ser dang rgyan bzhi sogs gos yug la/ maNDal mdong mo lnga bcu ma bcas khyon bsdoms dngul srang sum brgya/ rta lnga/ dre'u gnyis/ ras dkar yug rnams kyi rten spoms mtho ba dang bcas bka' nan lci bas 'byed kyi sgo dod pas yo ga'i bstan pa la lo tsA ba chen po rin chen bzang po slar yang byon pa lta bur snang / gsung ngag rin po che grub nas deng sang sku ngal gso ba dang sbrags gsan yig bsgrigs pa gnang skabs yin zhing / rdo rje'i khri la g.yo ba med par bzhugs te dam pa'i chos kyi 'phrin las gdul bya'i rgyud la chad pa med par 'jug pa phun sum tshogs pa'i rten 'brel lhun gyis grub bzhin pa 'di ltar lags so/ /a ho dam pa'i yon tan nam mkha'i tshad/ /'jal ba'i dka' thub mes pos bskal pa brgyar/ /blangs kyang pha mtha' ma rnyed zag bcas kyi/ /gnyid la g.yur na bdag blo phra mos ci/ /ngo mtshar mdzad pa mang po'i tshig tshogs kyi/ /phang phung lo mas don gyi ze'u 'bru sgrib/ /thun mong 'gro ngor smin pa'i 'bras bu'i bcud/ /myangs na gzur gnas ljags kyi dbang po tshim/ /sangs rgyas sras bcas phyogs der bsngags pa yi/ /bsod nams phung po zad mtha' grangs yas na/ /gdan gsum tshang ba'i sde dpon rtogs brjod glu/ /blangs 'dis bskal gsum tshogs rnams deng 'dums snyam/ /ma dag 'khor ba mtha' bral tshang tshing nags/ /mi dge rnam smin gcan gzan rgyu ba'i srang / /mu med las sgrol bshes gnyen bka' drin gyis/ /me tog mda' can g.yul de gcig tu pham/ /ganggA'i rdul gyis mtshon min