[A:11]ba'i gnyen/ /'jam mgon bla ma'i sku zhang sa spyod lcam/ /smin legs rtse dga'i cho ga rdzogs pa las/ /rgyal sras gzhon nu'i zla ba gsar du tshes/ /de yang mngal du zhugs pa'i tshe yum gyi mnal lam du mchod rten la skor ba mdzad pa dang dngos su'ang sdor dkar la brten na zo mdog bzang zhing dmar skyur shor na mi bde ba byung 'dug pa bzhin dgung lo bcu bdun bar yab yum gyis sku skyed bsring phyir sha phran bu dbang med kyis bzhes su bcug na ma gtogs dmar gyi ris la mi dgyes pa yod par snang / sku tshe sngon ma rnams nas glags lta ba'i 'byung po gdug pa can zhig gis yum sras gnyis ka gshegs par nye ba'i zug rngu drag pos gtses pa'i tshe gru rdo rje seng ge la sogs pa rig sngags grub pa'i brtul zhugs can rim par byon pa'i chos rje dgon nub pa gru rig pa 'dzin pa dge bsnyen gyis bgegs skrod byin rlabs rten 'brel du ma mdzad pas phan ngo tsam las gzhi med du ma gyur na'ang rigs brgya'i bdag po dbang phyug rab brtan nye skor du phebs pa dang 'grig pa'i skyer sgang lugs kyi rta mgrin gsang sgrub kyi dbang bzhi byin rlabs kyi tshul du bstsal/ dbu skra bubs kyi bsrung ba dang rdo rje'i ra ba'i 'khor yug chen po'i nang du chud par mdzad pas bdud rigs kyis brlang por spyod pa'i nus pa mtha' dag nyi zer gyis ba mo la reg pa bzhin sku tshe'i bar chad kyi g.yul las rnam par rgyal bar brten/ bgegs dbang du ma song bar da lta'i bar 'tsho ba 'di bla ma dam pa de nyid kyi bka' drin yin zhes thugs bzo ba'i gsung bgros yang yang gnang / 'on