[A:13]nas gang yin zhes dri ba gnang bar bla ma dang lha'i rigs 'khrul med du ngos 'dzin mdzad pas 'di 'dra ngo shes pa dgod bro ya mtshan che zhes dgyes pa'i rnam 'gyur ci yang mdzad/ dgung lo bzhi lnga tsam gyi dus rtses po kha sbub pa khri'u shing gi lugs su byas pa'i steng du byams bzhugs mdzad mchod gnas kyi gra ba 'dras sa chog la dbyangs 'then pa dang mnyam du khro spro mdzad pa'i stang ka dang / res gdan sna tshogs brtsegs pa bzhugs khri'i tshul du mdzad rdza brdungs pa'i phye ma dang rtsam pa bsres nas dkyil 'khor gyi dbyibs bris te sgrub mchod tshugs pa'i rnam pa dang yum sbyin bdag yin rgyu'i lugs kyi dpon sa rin po che deng sang sku khams bzang po byung ngam gsung ba sogs ni 'jam dbyangs byang gling rje'i sngon gyi bag chags bzang po'i mthu brtas par gdon mi za zhing / rje rdo rje 'chang 'khrul zhig tshul khrims rgyal mtshan du 'khrungs pa'i dus 'khor du yod ces gsung pa la dpags na'ang thams cad mkhyen pa bu ston rin po che'i ring lugs spel ba'i dam pa 'ga' zhig gi rnam par sprul par lung rigs kyis bsgrub nus sam snyam/ dgung lo brgyad bzhes pa sa mo bya'i lo gtsang sde srid nas yab dbon tshang sangs rgyas grags pa rong byams chen gyi gnyer par bskos pas yab sras lhan cig tu phebs/ sngar gyi rgyun bzhin gso rig gi phyag dpe 'dzin pa sogs sbyong dar gyi dbu btsugs kyang rje nyid dam pa'i chos kho na mdzad pa'i thugs bzhed kyis sku lus bsgyur/ thun mong zhes pa lcags pho khyi'i lo dga' ldan gyi gnas nas ma pham mgon po zhing 'dir gnas lnga rig pa'i paNDi ta'i tshul