[A:14]bzung ba thams cad mkhyen pa bu ston rin po che'i bsti gnas ri phug chos kyi pho brang du dus gsum rgyal ba'i spyi gzugs rje btsun dbang phyug rab brtan gyi zhabs drung du phebs nas gtsug phud phul ba'i mtshan bsod nams dbang por gsol/ slar yab kyi khyad nas byams chen du byon 'di lo rje rdo rje 'chang yar klungs bkra shis rtse chos sder rje res chibs kha bskyod pa'i zham ring du khyab bdag bka' 'gyur ba byon pa rong dga' ldan byams pa gling du thog ma'i mjal 'dzom mdzad/ tshar chen chos kyi rgyal po'i thugs sras rigs brgya'i bdag po bod mkhar ba mai tri don grub rgyal mtshan gyi gdams pa'i mdzod 'dzin spyan snga rin po che chos kyi rgya mtsho'i zhal slob kyi gtso bo skyed tshal gong gi mkhan po 'bum rab 'byams pa thar pa rgyal mtshan gdan drangs nas dbang rjes gnang rigs mi gcig pa bco brgyad tsam gsan pa'i dang por grub thob kyi 'khor los sgyur ba rnal 'byor dbang phyug bi rU pa'i bzhed srol dpal kye rdo rje'i man ngag lugs ras bris kyi dkyil 'khor du rgyu dus kyi dbang gis smin par mdzad pa sku tshe 'di la thugs kyis dran pa'i dbang gi thog ma yin gsung ba bu lugs la dus 'khor gsang 'dus rdor dbyings sogs gtso bor mdzad na'ang thog ma'i 'jug sgo spyir rje btsun gong ma'i bzhed pa dang / yang sgos kha'u brag rdzong pa nas brgyud pa'i gnyis med dgyes mdzad rdo rje'i dbang thog mar gsan pa bdag chen rdo rje 'chang gi bstan pa la mchog tu bya ba mdzad pa'i rten 'brel gyi sgo 'grig par mngon/ mkhan rin po ches nged deng sang skyed tshal gyi mkhan po bzhag nas rong dkar chos su