[A:19]te padmA ka ra rnga yab bzhud/ /tshar chen chos kyi rgyal po/ thams cad mkhyen pa mkhyen brtse'i zhabs/ mkhan chen bslab gsum rgyal mtshan/ sngags 'chang bsod nams chos 'phel te yab sras bzhi ga la zab rgyas chos kyi bka' drin rgya cher gsan pa'i grong chen slob dpon kun spangs pa rin po che shAkya seng ge la mnyam sbyor rigs bsdus dang rdo rje 'jigs byed rwa lugs thun mong ma yin pa lha bcu gsum ma/ e waM shar khang pa mnga' ris pa nam mkha' dpal ldan la bde mchog padma dra ba/ dpal 'khor chos sde nas rin po che lha po pa gdan drangs te sngon ma'i 'phros kyi dbang mang du gsan/ bu lugs kyi dbang phal cher grub pa'i rjes su phyag gi rdor dril rje 'di nyid la gnang nas rdor dril bla ma'i phyag tu 'phrod do zhes thugs dgyes pa'i nyams gang yang mdzad cing / thams cad mkhyen pa bu ston nas brgyud pa'i rdo rje 'phreng ba'i dbang yang gnang / bod 'dir brtsams chos kyi gsung 'bum bla ma dam pa dang chos rje thams cad mkhyen pa gnyis las mang ba yod tshod du mi 'dug cing / bu ston rin po che'i mdo phyogs kyi gsung rab ni thor bu ma gtogs phal cher chad nas lung rgyun khungs ma mi 'dug na'ang sngags phyogs sogs gang yod phal cher bla chen bsam rgyam pas do dam mdzad nas rin po che dkon mchog rgyal mtshan gyi drung du tshang bar gsan/ 'jam dkar ma ti lugs kyi ljags bsnyen 'bru 'bum ma sha'i las sbyor bcas pa gnang bas sku na smin por song nas kyang dbang 'khrid rjes gnang sogs gang la'ang thogs pa med pa'i mkhyen rab rje btsun