[A:༡༩]ཏེ་པདྨཱ་ཀ་ར་རྔ་ཡབ་བཞུད། །ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། སྔགས་འཆང་བསོད་ནམས་ཆོས་འཕེལ་ཏེ་ཡབ་སྲས་བཞི་ག་ལ་ཟབ་རྒྱས་ཆོས་ཀྱི་བཀའ་དྲིན་རྒྱ་ཆེར་གསན་པའི་གྲོང་ཆེན་སློབ་དཔོན་ཀུན་སྤངས་པ་རིན་པོ་ཆེ་ཤཱཀྱ་སེང་གེ་ལ་མཉམ་སྦྱོར་རིགས་བསྡུས་དང་རྡོ་རྗེ་འཇིགས་བྱེད་རྭ་ལུགས་ཐུན་མོང་མ་ཡིན་པ་ལྷ་བཅུ་གསུམ་མ། ཨེ་ཝཾ་ཤར་ཁང་པ་མངའ་རིས་པ་ནམ་མཁའ་དཔལ་ལྡན་ལ་བདེ་མཆོག་པདྨ་དྲ་བ། དཔལ་འཁོར་ཆོས་སྡེ་ནས་རིན་པོ་ཆེ་ལྷ་པོ་པ་གདན་དྲངས་ཏེ་སྔོན་མའི་འཕྲོས་ཀྱི་དབང་མང་དུ་གསན། བུ་ལུགས་ཀྱི་དབང་ཕལ་ཆེར་གྲུབ་པའི་རྗེས་སུ་ཕྱག་གི་རྡོར་དྲིལ་རྗེ་འདི་ཉིད་ལ་གནང་ནས་རྡོར་དྲིལ་བླ་མའི་ཕྱག་ཏུ་འཕྲོད་དོ་ཞེས་ཐུགས་དགྱེས་པའི་ཉམས་གང་ཡང་མཛད་ཅིང༌། ཐམས་ཅད་མཁྱེན་པ་བུ་སྟོན་ནས་བརྒྱུད་པའི་རྡོ་རྗེ་འཕྲེང་བའི་དབང་ཡང་གནང༌། བོད་འདིར་བརྩམས་ཆོས་ཀྱི་གསུང་འབུམ་བླ་མ་དམ་པ་དང་ཆོས་རྗེ་ཐམས་ཅད་མཁྱེན་པ་གཉིས་ལས་མང་བ་ཡོད་ཚོད་དུ་མི་འདུག་ཅིང༌། བུ་སྟོན་རིན་པོ་ཆེའི་མདོ་ཕྱོགས་ཀྱི་གསུང་རབ་ནི་ཐོར་བུ་མ་གཏོགས་ཕལ་ཆེར་ཆད་ནས་ལུང་རྒྱུན་ཁུངས་མ་མི་འདུག་ནའང་སྔགས་ཕྱོགས་སོགས་གང་ཡོད་ཕལ་ཆེར་བླ་ཆེན་བསམ་རྒྱམ་པས་དོ་དམ་མཛད་ནས་རིན་པོ་ཆེ་དཀོན་མཆོག་རྒྱལ་མཚན་གྱི་དྲུང་དུ་ཚང་བར་གསན། འཇམ་དཀར་མ་ཏི་ལུགས་ཀྱི་ལྗགས་བསྙེན་འབྲུ་འབུམ་མ་ཤའི་ལས་སྦྱོར་བཅས་པ་གནང་བས་སྐུ་ན་སྨིན་པོར་སོང་ནས་ཀྱང་དབང་འཁྲིད་རྗེས་གནང་སོགས་གང་ལའང་ཐོགས་པ་མེད་པའི་མཁྱེན་རབ་རྗེ་བཙུན་