[A:24]byung ba'i rgyu mtshan zhur gtang ba'i lan du gnas lugs rang ngo rang shes don dam gyi mgon po yin/ dus thams cad du bskyed rdzogs zung 'jug gi thugs dam dang ma bral bar mdzod ces zhal gdams gnang / don du gang snang thams cad bla ma'i rnam par shar ba 'di gzhan las khyad du 'phags pa'i gsung bsnyen gyi rtags su 'dug /rdo rje 'chang dbang phyug rab brtan ston lcags stod du dbang gzhi mdzad nas ri phug tu phebs pa dus mtshungs sku mtshams grol ba 'grig nas rje 'di nyid kyis mjal bar phebs pas de nub bzhugs me'i sar tshogs kyi 'khor lo'i dga' ston gnang / bka' las 'o me 'dis lhab lhab byas pa dang dran gsos byung mdang rmi lam du thams cad mkhyen pa phebs pa zhig byung ba de ring khyed 'byon par lta ba 'dug phebs pa thams cad mkhyen pa'i ring lugs 'dzin pa la mchog tu 'gyur bar don gyis dbugs dbyung mdzad pa 'dra/ lcags sprel lo lho gser mdzod ser po nas byon pa'i rdo rje drag po rtsal gyi ljags bsnyen zhag nyer gcig gnang / yar klungs nas khyab bdag bka' 'gyur ba chen po phebs pa dang lhan cig par snang srid kyi chos thams cad rgyud gsum gyi dregs pa'i rnam rol gsang bar rang sems gnas lugs don dam gyi mgon por ngo sprod pa'i man ngag gi nying khu rdo rje nag po chen po gur gyi mgon po'i gsang 'khrid thun mong ma yin pa zla ba gsum gyi bar smin rgyas su gsan pa'i tshe nub cig grib gnon gyi rnam pa byung bar rgyu mtshan zhus pa na nag po chen po 'grub pa'i rtags su bshad pas ngan rgyu med tsam las gsal bar ma gsungs