[A:41]par zhal gyis 'ches/ /don med 'du 'dzi'i rnam g.yeng rgyab bskyur nas/ /don chen rgyud sder bcu phrag bgrang bya'i bar/ /don tshig kun sbyangs mkhas pa'i rtser son pas/ /don ldan dal ba'i rten la snying po blangs/ /'tshub 'tshub lha mi'i gdon gyi dmag gi dpung / /long long stug po'i sprin nag ltar 'thibs pa/ /'jigs 'jigs ma he'i zhal can dbang rab kyi/ /'ur 'ur thugs rje'i rlung gis pha mthar bskrad/ /rmi lam sprul bsgyur sngon nas goms pa'i mthus/ /'khor ba'i mtsho las 'gro 'dren lhag bsam dang / /mtha' klas dag pa rab 'byams zhing khams la/ /gcig tu gzigs mor g.yengs pa de rmad byung / /zhabs rdul byang gling chos rje'i khrir bkod nas/ /smin grol gar thig dbyangs dang dus kyi chos/ /bya ba las kyi 'khor los bu ston rje'i/ /bstan pa'i nyi ma gnyis pa deng 'dir shar/ /sku tshe'i tshad sogs lkog gyur shes bya'i gzugs/ /gnas gsar bla ma'i thugs kyi me long du/ /gsal bar mgon khyod dad pa dbyar gyi mtsho/ /'phyur ba'i rtse mo tshangs pa'i yul sa brgal/ /thun 'tshams gos kyi phang du zla bzhin ma/ /rtse dga' rgod pa'i mkhan po zal brag pa/ /'jam mnyen gzhan snang 'drid pa'i me tog mda'/ /'phang pa'i cho ga ma rdzogs bstan pa'i gsos/ /shing phag lo rje rdo rje 'chang mjal bar phebs ring zhig bzhugs shing brtan bzhugs kyi gsol 'debs mdzad/ tshur 'byon khar slar yong thub nges gyis gsung zhing rje 'di nyid kyi phyag g.yas na rdo rje