[A:43]sna tshogs byung ba dang dbyibs 'dra bsam pa mang tsam gsungs mthar gsung shed chen pos chos rje dbon la dpal mchog nga slong dang gsung / dbon pos sku skyor nas tsong mdzad pa rje nyid la spyan cer gzigs nas da mang po lab mi thub pa 'dug kun mkhyen bu ston rin po che'i bstan pa khyed la khag yod do phebs pa gsung gi tha ma yin gsung / hor zla bcu pa'i tshes bzhi la ngor du mkhas grub dpal ldan don grub mkha' spyod kyi zhing du gshegs pa'i gtam ngan zha lu phu'i bsam gtan sgang du byung 'phral ri phug tu phebs nas mchod 'bul ba rdzong bda' mdzad/ tshes gnyis la 'dar du rdo rje 'chang dgyes mdzad rdo rje'i thugs kar bsdus pa'i gnas tshul dang bcas zhabs drung dbon rin po che'i phyag tham thugs dam gsal 'debs skyel mi 'byor gshis bka' drin che shos kyi bla ma gnyis ka gshegs pas/ bka' las/ bla ma gnyis ka dang bral bas sdug pa la tshod ma byung gsung / de 'phral nor gling nas chibs drel g.yar ngos e waM chos ldan du khyab bdag bla ma dam pa'i sku gdung rin po che mjal ba dang gdung 'bul phul nas rtsol khyad kyis 'dar la phebs skabs rgyang gzigs nas 'ja' dkar po snam bu brkyang pa lta bu grang mo che'i gdung gi thad du zug /gdung 'bul 'bul ba gnang zhing bzhugs ring gdung yid bzhin gyi nor bu'i drung du stan chags nas gdan gsum tshang ba'i dkyil 'khor gyi bdag nyid la mchod 'bul gsol 'debs dbang bzhi len pa sogs rgyas par gnang / thugs ngal shin tu che bar khyab bdag bka' 'gyur ba chen pos