[A:47]kyis cung ma lcogs pa'i nyin re phyag stong phrag gnyis re dang de 'phros yig brgya'i zhal 'don gnang / gtso bo phyag chen lhan cig skyes sbyor gyi nyams 'khrid dang bla sgrub kyi 'khrid pa zabs rgyas/ gzhan yang nA ro chos drug /ayon bsnyen sgrub/ bde mchog bcu gsum ma'i dbang sogs chos bka' du ma gsan/ snga dro zhig phyag dbang la phebs dus dbu la pus 'khyud bzhag nas rin po che la bya bral gyi bsko 'ja' yin no gsung / nyin gcig sku la bzhes bzhin pa'i sku gzan dang sku chos sbrags ma gzims dpon gyis rje nyid kyi sku rgyab la bskon nas gnang ste/ rje rdo rje 'chang chen mi gzugs can/ /pha mtshan ldan bla mar gus pas 'dud/ /spang gnyen dbyer med kyi nyams len 'di/ /khas len bral ba'i lta ba yin/ /ched du mi bsgom pa'i rang babs 'di/ /sgom med yengs med ces sgom pa'i mchog /gnyis 'dzin dang bral ba'i rang grol 'di/ /a ba dhU tI pa'i spyod par gsungs/ /gzhan phan gyi sems bskyed rgya chen pos/ /sdig spong dge sgrub kyi las 'bras brtsi/ /dge tshogs sems can gyi don du bsngo/ /de bka' brgyud gong ma'i gdams pa lags/ /zhes pa 'di zha lu'i gdan sa pa rin po che bsod nams mchog grub la dpal 'brug pa dpag bsam dbang pos gdams pa'o/ /zhes pa'i zhal gdams dang sang zha lur thegs rgyu'i de ring de gsung mgur mang du 'then pa'i rjes su rje yi snyan la gzan lags kyang / sprang la snang ba 'di las med khyed dpon slob sang thegs rgyu'i blo 'phul yin/ rten 'brel gyi byed pa zhig yod