[A:48]gsungs nas gsol ja bzhes can gang gsol ras su gnang / thugs dam gong 'phel gyi ngang nas kun mkhyen bu ston rin po che'i bstan pa la gang phan yong ba mdzod/ de ltar mdzad na nged kyi phyag phyi byas par yang 'gro/ zha lu ma na gra pa kha cig rtogs ldan yin zer nas zha lu rang gi cho ga mi byed par 'brug lugs kyi bla ma mchod pa byed kyi yod zer ba de 'dra la yer ni mi dgyes/ kun mkhyen bu ston rin po ches cho ga rgyas par dga' na rgyas pa/ bsdus par dga' na bsdus pa mang po mdzad 'dug pa des ma 'thus pa ci yod/ rin po che g.yeng ba rang la ma 'byams par mthar thugs dam rtse gcig mdzad dgos so gsungs/ dam pa nyid sku zhabs pa rnams kyis skyel ma mdzad nas bzhugs sgar gyi mtha' tsam du phebs pa dang sku zhabs la 'bod mkhan byung ba ltar thegs par sku phrag gi byin rlabs khug mag shog bu'i khud du thams cad sprugs nas gnang / sang nged rang dpon slob thegs dus rgyab gyes rang ma byung bar mdzod gsungs/ zha lur phebs nas sa yos ma he mchod pa'i gra sgrig grub rjes sku mtshams shin tu dam pas las gshin gyi ljags bsnyen dang / de zin nas bskang gso dang drug cu pa sogs rgyab chos kyi sku rim rnams smin rgyas su mdzad/ ma he mchod pa'i dus drug cu pa dang las gshin gyi gtor ma gnyis ka rgyag pa gnang / rim gyis rnam sras mchod pa sogs sngar rgyun bzhin grub nas lcags 'brug nang du sgrub mchod dbyar dgun gyi dus chos sogs sngar bzhin chag med ngos dpal 'khor chos sde'i dus 'khor gra tshang shar byang gnyis dang gzhi gra bcas pa'i don