[A:54]rab gnas sbyin sreg mchod gar dang bcas pa rgyas par gnang bas/ dpon slob paN chen rin po che'i bka' las/ rab gnas rang da lam las rgyas pa byas pa med dam zhes gsungs shing thugs shin tu dgyes par gnang / shing bya lo rdor dbyings rtsa lugs kyi bsnyen pa 'bring po bsnyen pa'i dkyil 'khor la brtan pa dang thugs sras sems dpa' chen po'i gsar 'gyur gyi yig cha bzhin dbyangs can ma'i ljags bsnyen grangs tshang mdzad/ ston mjug rgyal po mchod yon gnyis ka gtsang phyogs su chibs kha bskyod bsam don lhun gyis grub pa'i rtse mor bzhugs thog rje 'di nyid kyis phyag 'bul la phebs te bu ston thams cad mkhyen pa chen pos 'dul ba la gces pa'i gzhung brgyad la sogs pa gsung rtsom mdzad/ zha lu 'dir gzhi gsum gyi phyag len sogs bstan pa'i 'byung khungs yin na'ang deng sang 'phel 'grib kyis ming gi lhag ma lta bur song ba/ gang na gzhi gsum la sogs pa las kyi cho ga yod par thub pa'i bstan pa yod par gsungs pas don gyis bstan pa nyams pa gsos pa'i bka' drin bla na med par 'gro ba 'dug gshis bdag gis khur len zhus gzhi gsum gyi cho ga 'dzugs par gzhi rten du sngar sde srid karma phun tshogs rnam rgyal gyi dgongs rdzogs la gnang ba'i lcags ri stod dang lhun rtse bde skyid gling gnyis bzhes pa de sbyor 'jags tsam zhus na ji ltar yong gi rgyu mtshan 'jebs chags pa 'bul ba gnang bar sa skyong bsod nams rab brtan gyis zhal gyis bzhes par brten bkra shis lhun po nas bdog pa gya nom pa'i zhu rten bstar bar sde pas gtan tshigs gtsang