[A:55]chod gnang / de 'phral gzhi gsum cho ga 'phyugs med 'dzugs dgos pa'i bca' yig dpon slob paN chen rin po che'i phyag tham gyis mnan pa zhu ba mdzad/ phyag len spyan 'khrid la thon rgyal byed tshal ba'i slob dpon don grub dpal ba bla brang rgyal mtshan mthon po nas rdzong bda' gnang ste dbyar gnas gso sbyong dgag dbye rnams legs par tshugs so/ /rdo rje 'chang dngos dpal ldan bla ma gnyis/ /mkha' spyod zhing du gshegs kyang dam pa khyod/ /byang chen de srid rjes 'dzin nang rtags phyir/ /ston pa'i skal bzang 'di la su mi smon/ /lnga bdo'i snang tshul rtsub mo'i tsher mal la/ /snying stobs bzod pa'i ya lad btsan po yis/ /bu ston ring lugs srid mthar spel ba'i khur/ /'degs la mi ngal rgyal sras rnam par thar/ /gar thig dbyangs kyi phyag len rgya cher spel/ /rnal 'byor rgyud sde'i smin byed sgo 'phar phye/ /rin chen grub kyi gsung rab srog gi zungs/ /'di ko dga' ldan gnas nas byon tam ci/ /gting mtha' mi mngon gsan bsam chu gter nang / rgyu yang ngom med tshor ba'i gser sbal de'i/ /snyan pa'i grags pa thos na deng dus kyi/ /bstan 'dzin khron pa'i 'phar 'gro don snying 'gas/ /log par 'khu ba'i dgra bgegs brag gi ri/ /ma he'i zhal can mthu stobs rdo rje'i thog /'bebs dang lhan cig drug cu rtsa bzhi'i dpal/ /'phan khyod rdor 'dzin bye ba'i gtsug gi rgyan/ /g.yu 'brug phyag rgya'i mkha' 'khrigs sgra snyan po/ /sgrog tshe mi chos char gyis myu gu bsrings/ /gser gzhong mar khus bkang ba'i