[A:7]gyis kyang ngos 'dzin mdzad/ rjes su zha lu pa'i bstan srog bzung ba'i mdzad pa la dpags kyang som nyi dang bral la/ gzhan ma dam pa'i yang srid mtha' yas pa yod par gor ma chag na'ang rnam thar gyi zin bris dgos tshul zhus pa'i re gzig tu/ rgan bu bdag la rnam thar 'god 'os pa'i lung dang rtogs pa'i yon tan ci yang med kyang bla ma'i bka' gcog ma nus pas g.yar tsha spangs nas g.yar khral du 'tshal ba la/ zhes yon tan thams cad rkun po'i nor bzhin sba ba lhur blangs te mngon par mi mdzad pas spyan dang mngon par shes pa mnga' ba rnams ma gtogs bdag lha'i dman blo'i yul las 'das pas rngo ma thogs/ sku tshe 'di'i thun mong ba'i gdul bya dang sgo bstun pa'i mdzad pa rags rim tsam la sku bltams pa'i tshul ni/ jo bo chen po mar me mdzad rdo rje gdan gyi nub phyogs 'od dpag med pa'i lha khang na byang chub kyi sems bsgom par mdzad pa'i tshe phyag na padmas zhal bstan nas/ skyes bu dam pa legs so legs so dus gsum gyi sangs rgyas thams cad kyi gsang ba'i mdzod gang yin pa de khyod kyis shes so/ /'di nas byang phyogs na nga'i zhing khams yod/ khyod kyi yi dam jo mo sgrol ma yang de na sems can gyi don mdzad cing bzhugs/ khyod kyi gdul bya mang po yang de na yod pas byang phyogs bod du song zhig /ces bod kha ba can gyi rgyal khams 'di dge ba bcu rdzogs par tshang zhing rgyal blon lo paN byang chub sems dpa' rnams kyi bka' drin las chos khrims dar gyi mdud pa dang rgyal khrims gser gyi gnya' shing zung du 'jug pa'i