[A:6]mkhas pa dang / /btsun mo'i 'khor bcas rol pa dang / /nges 'byung dka' ba spyad pa dang / /byang chub snying por gshegs pa dang / /bdud sde 'joms dang rdzogs par ni/ /byang chub chos kyi 'khor lo dang / /mya ngan 'das par ston mdzad rnams/ /yongs su ma dag zhing rnams su/ /srid pa ji srid gnas par ston/ /zhes 'og min gyi gnas su nges pa lnga dang ldan pa'i longs spyod rdzogs pa'i skur mngon par rdzogs par sangs rgyas nas dga' ldan gyi gnas su dam pa tog dkar po'i rnam par bstan pa de nyid 'dzam bu'i gling du shAkya'i brgyud du 'khrungs te mdzad pa bcu gnyis bstan pa'i gtso bo ni/ chos kyi 'khor lo rim pa gsum du bskor te gdul bya rnams smin grol gyi lam la bkod pa'i lung gi bstan pa'ang / ji skad du/ mdo sde dbyangs bsnyad lung bstan dang / /tshigs bcad ched brjod gling gzhi dang / /rtogs brjod de lta bu byung dang / /skyes rabs shin tu rgyas pa dang / /rmad byung bstan la dbab pa'i sde/ /gsung rab yan lag bcu gnyis so/ /zhes yan lag bcu gnyis sam/ /bsdu na sde snod rin po che rnam pa gsum du 'du ba'i bstan pa de 'phel zhing rgyas la yun ring du gnas pa'ang de 'dzin la rag las pas/ rdo rje slob dpon chen po khyab bdag zha lu pa rin chen bsod nams mchog grub nyid kyi sku'i skye ba snga ma zha lu byang gling pa rin chen bkra shis rgyal mtshan dpal bzang po yin par rdo rje 'chang dbang phyug rab brtan gyis 'dar chos 'khor yang rtser dus kyi 'khor lo'i dbang gnang ba'i tshe 'od gsal la shar ba dang ging chen tshangs pa dung thod can