[A:80]dar dang phyag phul/ bdag chen rin po che yab sras gnyis kyis bzhugs khri'i steng nas dbu zhwa phud de bzheng ba dang mjal dar bzhugs gdan bzos sgo sogs bdag nyid chen po bzang po dpal ba'i dus zha lu mkhan por gang gnang ga'u le'i nang bzhin gzengs bstod/ zhabs drung chen mor bde mchog nag po pa'i dbang / nA ro mkha' spyod kyi byin rlabs dang nyams 'khrid/ rnam sras kyi be'u bum po ti gnyis/ bsam gtan gling pa'i a ti sogs gsung chos rgya cher gsan zhing lugs gnyis nas bdag rkyen phul du byung bas dpon slob thugs yid gcig 'dres lta bur gyur/ slob bshad kyi bstan 'dzin chen po yangs can mkhan po gzims shag pa ngag dbang rnam rgyal la ni gu yongs rdzogs gsan rtsis gzims shag chos rje'i sku khams kyis ma lcogs par brgyud pa rin chen sna bdun gyi rnam thar sogs thor bu dang 'jam mgon sa skya pa'i lcam sring zhabs drung rje btsun drung la'ang ljags lung gi rigs gsan/ yang dag par rdzogs pa'i sangs rgyas kyis rab tu gnas pa'i bse mgon ye shes sems dpa' dngos su bzhugs pas gtsos mgon khang dang mchod khang rnam grangs ches mang ba/ dam can srung ma sprin bzhin du 'du ba'i zhing skyong dbang po'i pho phrang tshar lugs zhes grub mtha' 'bur du dod pa'i rdo rje gdan kha'u skyes lhas/ mkhas grub mang pos grub mtha' snyogs pa'i dben gnas bya 'gyur sogs kyi rten brten pa rnams zhib mjal mdzad nas bstan 'gro'i phan bde rgyas pa'i smon lam rlabs chen dang / rdo rje chos skyong rnams la bka' bsgo gnyer du gtad/ bya 'gyur