[A:85]yon gyi maNDal rgyas par bteg nas gtsang phyogs su thegs/ re zhig zha lur sku ngal gsos nas gdan sa gong du phebs bdag chen 'jam dpal dbyangs ngag dbang bsod nams dbang phyug grags pa rgyal mtshan dpal bzang po'i zhabs drung du dbu sems lugs kyi sems bskyed/ lam zab nang ma sogs dbang lung byin rlabs mang du gsan/ 'jam mgon sa skya pa chen po yab sras la dgongs bzhed dang bstun pa'i bka' chos ci rigs 'bul ba gnang / lo phu mkhan chen byams pa ngag dbang dpal bzang la kye rdor 'jigs byed/ rdo rje khyung khra bo sogs kyi zab chos mang du gsan/ bla ma 'di rdzong lugs kyi bstan 'dzin zla med pa zhig 'dug ces bsngags brjod kyang mdzad/ sa sprel lo 'gor gtsang nas shar rgyag po ta lar skor tsam phebs nas mi 'gyangs par chos sder bzhugs mur zha lu'i mkhan por khrol cha dgos tshul la rdor legs pa 'byor/ nag pa zla bar slar gong dkar nas po ta lar phebs 'khor lo sdom pa dril bu lus dkyil/ gsang 'dus mi bskyod pa/ kye rdor nag po mtsho skyes Dom bhi gsum/ gtsug tor dri med dang 'od zer dri med rnams kyi dbang / gshed dmar gyi spros med/ 'od gsal/ bdud rtsi gsum gyi byin rlabs dang chos skor/ lam zab nang ma sogs lam 'bras dang 'brel ba'i byin rlabs bco lnga skor lam 'bras pod khra'i smad cha/ khyung khra'i byin rlabs las tshogs klu dbang gi rgyal po/ khro mo sme brtsegs kyi rjes gnang / rwa bod kyi kha skong dang zhal