[A:84]gsal yid du 'ong ba dang / /chags sdang zhe sdang spang ba dang / /'jam shing ran par smra bar bya/ /zhes brjod bya'i don khungs dang 'brel zhing tshig don rnams ma 'dres par so sor gsal la snyan par smra bas yid la 'jebs pa/ rang phyogs la chags pa dang gzhan phyogs la sdang ba med pa gzu bo'i tshig gis gdul bya'i blo mchog dman dang bstun te ran par smra ba'i yon tan mtha' dag bla ma dam pa 'di nyid la tshang bas rgyal ba'i gsung rab spyi dang khyad par rdo rje theg pa la mkhas pa'i yang rtser son/ so sor thar pa'i bcas pa phra mo la'ang mi 'da' ba'i btsun pa'i mchog tu gyur/ bdag gzhan mnyam par brje ba'i byang chub kyi sems bcos ma ma yin pa thugs rgyud la mnga' bas bzang po'i tshad du phyin/ bskyed pa dang rdzogs pa'i rdo rje rnal 'byor mchog la brten nas rtogs pa'i bdag nyid chen por gyur/ khyad par kun mkhyen bu dang rdo rje 'chang tshar pa chos rje'i ring lugs thugs kyi dpal be'ur bcangs pa'i bstan 'dzin skyes bu zla med par mthong nas gcam bu tsam ma yin par khyab bdag rdo rje sems dpa'i ngo bor yid ches kyis mos pa thob/ se ston chen po'i dbang chog nges don bde 'jug gi steng nas 'jam dpal gshin rje gshed phyag rgya zil gnon gyi dbang bzhi yongs rdzogs dang byang 'gro la phul/ skyi gtsang gi chu bzang las sku khams kyang shin tu dwangs/ nA ro mkha' spyod dang 'chi med dpal ster gnyis kyi brgyud 'debs/ gshed dmar gyi brgyud 'debs thugs sras lo tsA bas mdzad pa'i 'phro 'thud rnams bzhed pa bzhin brtsams/ chos