[A:8]'bangs rnams bde skyid la spyod pa'i sa stod mnga' ris skor gsum/ smad mdo khams sgang gsum/ bar dbus gtsang ru bzhir grags pa las ru lag gi sa'i cha sa hor mchod yon gyi dus che gsal chen mo'i tshe khri skor bcu gsum du dbye ba las zha lu khri dpon gyi chab 'bangs su gtogs pa 'chi med kyi grong khyer sa la 'phos pa lta bu nyang smad yin la/ de yang mnga' ris su bod kyi lha btsan po'i gdung brgyud dri ma med pa ye shes 'od dang bstan pa phyi dar gyi lo tsA ba rnams kyi nang nas mchog tu gyur pa sprul pa'i skyes mchog rin chen bzang po gnyis kyis thub pa'i ring lugs dar rgyas su mdzad pa'i tshe log par 'khu zhing 'gran zla can zhang zhung gi bon rnams phyogs gzhan du bskrad pas thun mong gi rdzu 'phrul thob pa'i bon zhig gis dmod bor nas gshang nam mkha' la 'phur ba song ba'i rjes su 'khun dir ri ri 'phur nas 'ongs te nyang smad gyis phyogs rgyang / skyi li/ mag gsum zer ba'i mag gi phur pa phug gcig tu yul chags nas gzhis bzung ste pha tshan mang du 'phel bar bon rigs 'khon tsho gshang 'phur du grags/ rus rdza yin pas thams cad mkhyen pa bu ston rin po cher 'chi bdag 'joms pa'i bstod chen bskul ba po bla ma rdza pa zer ba'ang 'di pa'i rigs su gtogs/ mi rabs mang zhig gi bar bon g.yung drung gi man ngag la mkhas pas grong chog la shin tu brin/ ring zhig lon pa na rdza rigs kyi bon zhig gis sku zhang rdo rje 'chang mkhyen rab rin chen mchog grub kyi zhabs la thug /mkhyen rab rin po ches gzhan phan che bar dgongs te gso ba rig pa'i gzhung lugs bslab tu