[A:98]gzhan dang mi 'dra ba'i gsan rgya 'dug na'ang gsung ngag slob bshad kyi 'khrid lung tsam las ma byung 'dug pa bstan rgyun la dgongs nas gsan dgos pa'i snyan 'bul phul ba bla chen spyi rigs kyi bzang brdzu 'ug pa spos pa lta bu'i stong lding mi gnang bar dgongs par bstad song ba bzhin dpon slob gnyis la legs so'i zhu mchid dang mgon khang tshor 'phrin bcol gyi snyan dar sogs skad gnyis smra bar phul ba/ bka' las/ dbon po lo tsA ba la thugs dam bka' shog rin po che byi ba la glang chen sbrang bu la mkha' lding / phyug pa'i bu la rnam thos sras su bsngags pa lta bu'i gsung rdo rje'i tshig gnang sbyin gya nom pa dang bcas spyi bor phebs pa dang lhan du gdan sa chen po dpal ldan sa skya'i mgon khang so sor snyan dar 'phrin bcol/ rigs ldan 'jam pa'i rdo rje gong bzhugs rin po cher yang bsngags brjod gnang cha dang bcas phebs pa bzhin zla ba drug pa'i tshes bcu gcig la shab la phyin zhes gsung ba ltar gdan sa par dge sdings bkra shis bsam grub tu 'jam mgon sa skya pa chen po'i zhabs phyir gnas gsar zhabs drung dbon sogs don gnyer can du ma la gsung ngag rin po che slob bshad btsugs pa snang gsum grol mtshams bdag chen rin po che phur sgrub la chibs kha sgyur/ rje nyid ljags bsnyen kha gso'i skabs bdud rigs kyi 'tshub lhongs kyis sku ltem babs shin tu lci ba byung ba'i tshe nub kyi mnal lam du bud med lus thog tshad gang tsam pa gtsang mo'i gos rgyan lam tsam byas pa brjid chags pa de'i g.yas na dbon sa rgyal mtshan pa/ dpon sa tshe brtan pa/ bud med gzhan cig dang