[A:211]po nas ma bor ba'i rim gro sogs le dbar med pa dgos tshul gyi bslab ston/ phyag mdud/ rdzogs pa'i sangs rgyas kyi 'phel gdung bcas de 'phral tsha drag gis slog pa gnang / 'di skabs mthong snang la 'ja' 'od kyi dbus su bla chen sa skya pa/ 'ja' 'od kyi dges mdzad rdo rje'i pho brang / lha'i bu dang bu mo du mas rgyal mtshan dang ba dan sogs kyi mchod pa'i bye brag /mtha' skor du dur khrod kyi mchod rten dang / keng rus/ 'ja' sprin/ zhing skyong gi rigs sogs mang ba zhig mthong snang la shar ba ni nad kyis skye ba snga ma'i sdig sgrib dag pa dang / bla ma dang lhas thugs rjes gzigs pa'i ltas yin nam snyam mo/ /sngon tshe gzhan la gnod pa'i lan chags kyis/ /'bras bu nam yang bslu med bden pa'i mthus/ /tshe 'dir dal 'byor ldan pa'i g.yar khang 'di/ /bhiSha'i nad kyi zug rngus mang zhig mnar/ /'di dus rang sems nad kyis bslad pa'i mthus/ /'khrul snang sems kyi 'char sgor 'di ltar mthong / /yid 'ong 'chi med gzhon nu'i lam yangs 'dir/ /'ja' tshon sna lnga'i gur khang phub pa'i dbus/ /rdo rje 'chang dbang bla chen sa skya pa/ /gzugs sku 'ja' 'od las grub kye rdo rje/ /gzhan yang dur khrod keng rus la sogs pa'i/ /ngo mtshar sprul pa'i ltad mo mang du mthong / /bslab ston bka' drin bskyangs pa bzhin gsos sman nas 'tsho byed dbang phyug gis 'phrod bsten byas shing / rim gro rnams mched zla'i zhabs phyi mdzod pa lhun grub kyis khur blangs kyis myur bar bsgrubs shing /