[A:236]zhig 'dug pas/ mi grangs drug cu skor la byas chog /mthong smon nas sngar sor byin pa'i 'phros them lnga re 'dod par yod 'dug pa/ lha sa na sde pas 'byed khra gnang ba yod ces bslab ston pheb/ lha sar zhag shas zhu sgug la bsdad pas mi ser them lnga'i 'ong 'babs g.yul kha dang bcas pa bka' drin du stsal zhing / gong sa chen por thon phyag zhu bar phyin pas gtan tshigs dang / dngos po'i gnang sbyin gya nom pa dang bcas brtse skyong bka' drin bskyangs so/ /thams cad mkhyen cing gzigs pa'i spyan ras kyis/ /nam yang 'dor med 'di phyir rjes su bzung / /khyad par mthong thos smon pa'i gzhis kha 'di/ /g.yog rigs yong sgor bcas pa brtse bas bskyangs/ /'di 'dri bka' drin byang chub snying po'i bar/ /bdag dang rjes 'brang bcas pas gzhal min na/ /rtse gcig dad pa'i spu long cher g.yos nas/ /lag pad snying gar zum las 'os ci yod/ /gnas kyi dbang por 'byor skabs mdo khams nas/ mkhyen bslab mthar son 'bul dpon bla ma bsod nams dang / bla ma lhar rje sogs 'grul pa stobs che ba brgya skor 'byor/ tshogs chen du mang 'gyed shin tu mang ba/ cho ga stong rtsa bzhi tsam bsgrubs song bas nyin re bzhin tshogs dbur phyin/ gser dngul/ rta/ dre'u/ ja khrab/ mdzo sogs ster sbyin dpangs mtho bar byung / nged kyis kyang so so'i 'dod sbyar bzhin sbyin bdag pho mo sogs la dmigs med 'khor gsum yongs dag gi bsngo smon bgyis shing / 'grul par sne len gyi bdag rkyen gzabs rgyas dang pho brang chen por drag gras rnams gong sa yas phyin gyi mjal