[A:241]la phyag dbang zhu bar btang zhing / 'grul pa rnams gtsang mjal du song / rgyal bas rgyu 'bras kyi 'bras bu bslu ba med pa mdo rgyud du ma nas gsungs pa ltar skye ba snga mar gzhan la 'tshe ba byas pa'i 'bras bu tshe 'dir smin pa'i bhiSha'i zas yang bskyar zhig byung bas 'chi bar thug pa zhig na bar/ bla brang ma 'thor tsam dang / dngos po sogs sngar rgyun ltar gyi re bas dbyug gu spun gyi thang sku gnyis bzhengs pa'i gcig 'di kha'i phyag mdzod sbug dang / gcig gzhis su bskur te zhabs drung la cag thon dgos pa'i bkod pa bcas mgron gnyer rdzong bda' byas/ cung zhig thu ru song skabs bla ma dge slong gis glud brdzongs dang / cha gsum gyi stabs 'khris su bzhugs/ mdzod pa lhun grub kyis mang ja'i thog sbom thag 'phral btang dang / pho brang chen por bslab ston dang / srung 'khor thugs dam skyabs 'jug zhu ba'i rten klu 'byin las grub pa'i sangs rgyas kyi sku 'gangs che ba zhon rtas gtsos tshan grangs zhu yig bcas 'bul bar btang ba sku zhabs su 'byor 'phral thugs 'dzangs kyi tshul gyis gsung brtag 'phral du gnang / 'tshubs cha che tsam 'dug pas rim gro'i bslab ston dang / rin chen ril bu gnyis dang / dbang po'i ril bu gsum nyi tshod bka' sam du thebs pa'i 'phral rdzong gnang / 'tsho mdzad rta mgrin tshe ring gis gsung brtag ma pheb gong skyon byung dogs kyi bshal btang bas bla ma rnams kyi thugs rjes shin tu thebs pa byung / rim gror tshe chog stong rtsa/ kun rig stong rtsa/ tshe gzungs 'bum ther/ sgrol ma dang sher snying 'bum ther/ gdugs dkar khri tshar/ gtsug tor 'bar ba stong rtsa/ gzungs 'dus brgya rtsa/ bka' 'gyur/