[A:253]'phros zhig tu gnang / zhwa lu nas mkhan chen rdo rje 'chang dgyes mdzad rdo rje'i thugs kar thim pa'i tshul bstan pa'i mchod 'bul du phyag mdzod dpon g.yog rnams 'byor bas gnas tshul thos 'phral bdag gi pha bla ma de nyid bde ba nas bde bar 'byon pa de lta na'ang / bdag sogs mgon med kyi 'gro ba 'khor ba'i rgya mtsho las sgrol ba'i ded dpon de ring stor snyam yid la mi bzod pa'i skyo snang dang dad gus cig car du gyur/ nged rang la'ang mkhyen rab rje'i sku brnyan phyag nas ma sogs mchod 'bul dpangs mtho bar gnang byung / gong sa chen po nas 'phags pa'i sku zhabs su snyan shal dang mchod pa'i bye brag du ma bcas phran bur sku zhabs su tshab kyi mchod 'bul gyis phebs pas/ nged dang mchod dpon chen mo sogs kha shas kyis dngos bshams yid 'gul ba dang / sems kyis kun bzang mchod sprin ltar sprul te maNDal dang mchod 'bul rgyas par zhus/ gong nas dgongs rdzogs rten bzhengs kyi thebs su gser dngul/ g.yu/ mu tig /phra rgyan rin po che'i rigs sogs dngos po'i gnang sbyin bcas bslab ston phyag mdzod la bka' drin bskyangs pa nged rang la gnas tshul dge slong rin po che brgyud stsal/ nged kyis gong zhabs su bla ma de nyid kyi mchod 'bul du rgya sbug dang gos yug gis gtsos tshan grangs phul bar smin rgyas bka' drin bskyangs/ lha sar nyin rgyug tu phyin te jo shAka gis gtsos lha khang rnams su snyan dar dang dkar me sogs mchod 'bul rgyas par byas/ nA lendra tshogs chen la mang ja zhus/ gong sa chen po nas spyan ras gzigs kyi bka' dbang bka' drin bskyangs skabs mchod dpon brgyud zhus pas/ thams cad mkhyen pas bsod nams rgya mtsho'i nye brgyud thugs rje