[A:258]spun gnas pa'i thad du skyed tshal nas rta bsu dang / thab bsu bcas 'byor/ dgon gnas mthong tsam nas yid shin tu bde zhing dad gus kyi ba spu ldang bar gyur cing / nyi ma gdugs 'jam pa dang 'ja' sprin gyis khengs/ bla brang dang grwa khang so so'i steng nas bsang dang / dge 'dun rnams kyi ser phreng / tshogs dung mkhas pa'i dkar po rgyang grags btang ste mchod rdzas bcas bsus/ bla brang rgyab tu mjal dar bcas mkhan rin po che bsu bar pheb/ nged kyis zhon pa las babs te phyag lan tsam byas/ dge 'dun rnams kyis rdo gcal du mjal dar dang byin rlabs zhus grub nas/ bla brang gi gzims chung ngo mtshar du bsdad/ mang ja zhig 'phral du zhus/ mkhan rin po che gzhis len tshul du bzhugs nas dgon gnas dang / 'chad nyan sogs kyi gsung gleng rgyas par mdzad/ phyi nyin mang ja sbyor sbrel thog mkhan rin po che tshogs su pheb bar rtas gtsos dgu tshan bzang ba dang / grwa mang la sbyi 'bul dpangs mtho ba zhus/ gzhis len gyi ston mo dpangs mtho ba byung zhing / kun mkhyen chen po sangs rgyas 'phel gyi bzhugs khrir bos te mkhan po dang / spyi so grwa mang gi ster cha rgya cher mdzad/ nged rang nas kyang tshogs su ston pa gnas brtan bcu drug dang / sa skya'i zab chos phyag rdor 'byung po 'dul byed/ lo ma gyon ma rnams kyi rjes gnang dang / bsngo smon gyi rgyas 'debs rgyas par zhus/ dgong mkhan rin po che dang kho se dpon slob kyis gtsos bka' rams kha shas la mgon po gur lha brgyad kyi rjes gnang byas/ phyi nyin grwa pa kha shas rab byung dang / khams pa grwa tshang du bos par phyin/ sne len dang ster sbyin mang du byung / nged rang nas kyang grwa ja dang ster sbyin byas/