[A:261]bar mgron gnyer gyis bskyal/ de nas e ma phyi lags kyis bsus nas mtshan gzims gzims chung du phyin/ sku mdun du gdan bzos bcas 'dug par phyag dbang zhus nas bsdad/ dgyes pa'i ngang nas rgyud sde 'og ma gsum gyi phyag len bcas pa'i dri ba zhig tu stsal bar ngor lugs dang byings kyi phyag len so sor dbye nas snyan 'bul zhus par thugs shin tu dgyes pas nyin lnga'i ring dri ba zhib tu gnang / slar 'phros rnams 'di khar 'byor skabs byed gnang / gnang sbyin rgyas par stsal/ mgyogs tsam zhabs brtan zhig 'bul bar 'ongs na ji ltar lags zhus pas/ de kha mdzad chog bka' drin bskyangs/ sku zhabs nas phyir 'ong skabs mos gus gyi sems shin tu gdung bas 'ong mi phod pa lta bu zhig byung / phyi nyin lha sa nas sgo la nang du 'byor/ sang rgyan rin po ches dbus nA lendra'i bla khag /dbu chos/ mi sna/ nged rang gi nang bzan skya ser rnams kyis rta bsu dang thab bsu 'byor/ rim gyis bskyod de rnam par rgyal ba'i chos grwa mthong tsam na blang brang khag dang / khams tshan so so nas lha bsang / dar 'phyar/ dung chen sogs rgyas pa dang / nam mkha' g.ya' dag cing 'ja' sprin kha dog sna tshogs shar ba ni 'khon rigs 'jam dpal rdo rje sku mched la chos bdag por phul ba gegs med du 'khor ba la rong ston thams cad mkhyen pa thugs dgyes pa'i mtshan ma yin nam snyam/ dge 'dun rnams kyis gdugs/ rgyal mtshan/ ba dan/ rol mo'i bye brag sogs ser phreng gis bsu ba shin tu rgyas par mdzad/ blang brang du 'byor 'phral tshogs chen rnams kyis mjal dar phyur bur spungs/ nged rang nas 'du khang chen por mang ja dang gsol ba zhus/ phyi nyin