[A:265]sku mched nged bcas la dngos po'i tshogs ring por bskyangs/ bsngo smon sogs so so'i blo bstun dang byin rten phyag mdud sogs byin/ phyi nyin pa tshab tu chibs bshol zhig gi skabs pe kar chos skyong chen po dang / las mkhan bcas pheb bsu'i tshul du pheb cing mjal dar phul bar snyan shal dang phrin las bskul/ grub rgyal re sde pas chibs zhol zhig zhus/ sku zhabs sku mched dpal rtser chibs kha bsgyur/ nged dgos gnas su 'byor nas phyi nyin mthong smon dang nye bar thab bsu zhus/ chos sde chen por pheb skabs tshogs chen gyis gdugs/ rgyal mtshan/ ba dan/ rol mo'i bye brag du ma dang bcas ser phreng rgyas pa dang / bla brang khams tshan so so'i steng nas lha bsang dang bkra shis khra ring brkyang zhing / bla khag las tshan bcas kyis spos kyis sna drangs te spyan 'dren pa sogs bkod pa ltar rgyas par byas nas gzims khang chen mor pheb skabs nged rang sku zhabs su phyin/ gang ci'i gsung gleng zhus/ phyi nyin sku skyes kyi tshul du mang ja'i thog nged rang la tshan grangs rgyas pa dang / tshogs su 'gyed gnang / bco brgyad du gdan drangs nas gzhis len gyi ston mo rgyas par zhus thog /rgyan rin po cher chibs/ chibs rol gyis gtsos pa'i 'bul ba dang / yum la rtas gtsos pa'i dgu tshan zhig phul/ phyi nyin tshogs su thams cad mkhyen pa rong ston chen po'i mi 'jigs seng ge'i khrir 'jam mgon chos kyi rgyal po spyan drangs te/ gser/ dngul/ chibs/ chibs rol/ ja/ gos dar sogs kyi 'bul dpangs mtho bar phul zhing / bla khag las tshan sogs kyis kyang gang rgyas zhus song / chos sdings brgyud