[A:270]rnams kyis rnyed bkur mang tsam byung bar byin rten dang bsngo smon sogs kyis 'dod pa bskangs te do gnas su 'byor bar 'tsho mdzad kyis sgrub phug btsal bar dgongs pas o rgyan yab yum gyi sgrub phug dang mjal 'dug pas rten 'brel rang 'grig tu gyur/ de nub nas sgrub phug tu o rgyan zhi drag gi sgrub pa dang tshogs 'khor byas/ phyi dgong lha chen 'bar brtsal gyis shin tu 'tshub 'gyur gyi rnam pas ser drag dang / glog 'khyug cing 'brug sgra drag po sgrogs pa/ gnam lcags thog gis g.yas g.yon gyi brag bkas te sa rdo nyil ba sogs cho 'phrul bstan kyang / lha sngags ye shes g.yo med du gnas pas rang yal du song / phyi nyin nas bzung nam mkha' 'ja' tshon gyis khebs pa dang / rmi lam du ye shes mtsho rgyal gyis mtshan ldan gyi thod pa bdud rtsis bkang ba gnang bar byung / brag sbugs ldebs na rtsa gsum 'khor lo bzhi'i rang byon gsal bar mthong ba dang / mtsho'i mdun du maNDal dang mchod pa 'bul bar phyin pa'i tshe mtshos mdog kha dog sna tshogs ston cing / mtsho rlabs kyi 'ja' gur phub pa dang / mtsho'i mtha' 'phel te nged kyi gdan gyi thad du 'byor ba sogs ltas ya mtshan che bar byung / 'brong pa'i rub nas 'bul dpon bla ma bsam 'phel yon bdag du ma dang bcas te 'phrad par byon/ rta nor sogs kyi ster byin bzang bar byung / dbang dang byang bu sogs 'dod par ltar byas/ skabs shig do ri'i rtser lha bsang gtong bar phyin/ mtsho la bltas pa na mtsho dkyil gyi steng na bud med ras gos sngon po gyon pa skra thor tshugs su bcings pa zhig dga' ba'i rnam 'gyur du ma ston pa mthong / nyi ma'ang gdugs 'jam zhing 'ja' tshon rkyong ba sogs byung bar lha chen rdo rje 'bar ba rtsal dang / yum gnam