[A:273]gyi ster cha byung / byang bu bzhu ba/ dge ba sangs rgyas kyi sar bsngo ba sogs so so'i blo bstun ltar byas/ gser gling gnyis kyi ru thog tu bos/ rta shin tu legs pa re dang / mdzo mo sogs byin/ tshe dbang dang / byang bu/ bsngo smon gyi rgyas 'debs sogs kyis bzhed pa bskang / lam thog 'brom mtsho'i ru ba rnams kyi sar 'byor bar tshang ma dad gus kyis 'ur te 'bri g.yag gi ster cha dbyar gyi char sprin ltar gtibs/ so sor blo dang 'tshams pa'i chos dang zang zing gis blo'i re ba bskangs te/ dge ba rnams chud mi za ba'i phyir rdzogs pa'i byang chub tu bsngos/ o thog gi sder slebs/ dpon dpon mo sogs yon bdag tshang mas gzhis len rgyas shing / rta/ mdzo/ mdzo mo/ /'bri g.yag sogs bzhi bcu skor gyi ster cha byung bar blangs/ tshe dbang dang / ma Ni'i lung / dge bsnyen sgrub pa/ dpon khag so so'i 'dod sbyar gyi rjes gnang dang / bsnyen gnas kyi lung mang bar byas/ dge ba sangs rgyas kyi sar rgyas 'debs kyi bsngo smon byas shing / byang bu sogs 'dod pa dang sbyar/ sgar po rigs nas na dmar chung ba'i mtsho 'gram du bsdad/ bla brang bla ma/ yon bdag rnams dang bcas pa 'byor/ rta sogs dngos po'i ster cha byung / lugs gnyis kyi bdag rkyen sprad de tshe dbang dang / byang bu bsngo smon ci nus byas/ rje'i mgur lha bsam gtan gangs bzang gi mtha' brgyud sho mo mtsho khar slebs/ dge slong grags pa phun tshogs kyis rgyus yod mdzad de sgom sde bla rgan gyi rten 'brel bsgrigs pa'i sar bod kyi mgur lha bcu gsum dang / brtan ma bcu gnyis sogs gzhi bdag rnams la bsang / khrus/ gsol mchod/