[A:304]yangs mi 'gyur lhun gyis grub pa'i gandho la chen por de nub 'byor zhing rtsal mang ba'i sar bsdad/ rab byung grwa tshang rnams kyis ja zhus kyang byung / phyi nyin snga bar thog mar dbu rtser phyin te byang chub chen po dang / thams cad mkhyen pa zhi ba 'tsho'i dbu thod sogs 'og khang dang / bar khang / steng khang sogs kyi rten mchod rnams zhib par mjal/ rim gyis gling bzhi/ gling phran/ yaksha ltag 'og /mchod rten lnga sogs zhib tu mjal/ jo mo gling gsum dang pho brang gong kyang mjal/ slob dpon chen po'i zhabs rjes sogs gong gsal gtsug lag khang gi sku brnyan rags par snyan dar/ gser chab dngos bshams yid sprul gyi mchod pa nam mkha'i mtha' klas par phul zhing rgyal ba'i bstan pa rin po che dar zhing rgyas pa dang / gong sa chen po yas phyin gyi dbus bstan 'dzin gyi skyes bu dam pa rnams zhabs pad yun ring du brtan cing / sems can rnams la bde skyid 'bad med du 'byung ba sogs smon lam yid tshim par btab/ stag rtse'i sku tshab bzhugs mi sgrub grogs pas ja zhus kyang mdzad/ dkar po pa'i nang du phyin/ mchog gi slob dpon chen pos lha sras mu khri btsan por sku tshab tu gnang ba'i gu ru mtsho skyes rdo rjer grags pa'i khyad mtshar byin can de mjal dus/ sku mdun du thog mar gu ru dkon mchog spyi 'dus kyi tshogs mchod cig byas rjes/ yon chab cher 'bul ba sogs stsol bar ma ltos par zhal nged rang la gzigs te pheb pa sogs rjes su 'dzin pa'i brdar sems/ mchod mjal rnams grub rjes mkhan chen bodhi sa twa'i bzhugs khri'i steng du 'khod de/ rab byung grwa tshang gi dge 'dun rnams gtsor gyur pa'i skya ser shin tu mang bar/ 'byung 'dul gyi rjes gnang byas shing /