[A:306]bzhugs yod snyam pa'i mos gus dung nge ba'i ngang nas gnas su slebs/ slob dpon chen pos sgrub pa bka' brgyad kyi dkyil 'khor zhal phye ste lha srin rnams dbang du bsdus skabs dkyil 'khor yong rdzogs brag phug gi thod du rang byon du byung ba'i sgrub phug brag dmar ke'u tshang du nyid kyi phyag nas ma'i slob dpon chen po'i sku dang / bod 'bangs bde thabs su rgyal dbang thams cad mkhyen pa lnga pa chen po'i sku brnyan gsar du bzhugs su gsol ba sogs rten byin rlabs can rnams kyi mdun du bsdad/ 'ja' tshon snying po'i gter ma'i las byang gi tshogs mchod rgyas par byas shing / phyi nang gsang ba de kho na nyid kyi mchod pas mchod cing / bla ma dang rang sems dbyer med kyi ngang du yun ring du gnas pa sogs byin rlabs kyi ltas kyang byung / a ho thugs rjes nam yang mi 'dor ba'i/ /skyabs gsum kun 'dus slob dpon chen po yi/ /byin rlabs sku dang gnas sogs mjal ba'i tshe/ /sems nyid 'od gsal ngang du re zhig 'byams/ /sgrub gnas der bzhugs pa'i rten dang rang byon shog ser sogs nang rten shin tu mang ba mjal/ rten so sor snyan shal dang mchod pa rgyas par phul/ dpon slob me rag pas dkar spro dang / dar ras/ gzan sogs kyi ster sbyin dpangs mtho bar mdzad cing / der bzhugs sgrub pa pho mo sogs kyis kyang ster cha byed mi mang bar byung / do nub bsam yas su 'byor/ rab byung grwa tshang gi grwa pa dang / yon bdag don gnyer ba kha shas la phyag na rdo rje dang / gur lha brgyad kyi rjes gnang thun mong ma yin pa sogs 'dod chos mang bar byas/ rab byung grwa tshang la mang ja spyi 'bul/ mkhan por tshan grangs rnam gzhag sogs kyis mnyes par byas/ yon bdag so sor yang sngags mdud byin