[A:312]dbang po nas bskyod skabs bla khag las tshan bcas kyis gzhis par thab skyel mdzad de skyel mar byon/ gzhis kyi zhal ngo rnams la tshe dbang dang / 'byung 'dul gyi rjes gnang byas/ phyi nyin rta kha bsgyur bar pa chab nas bzung 'phrad mi mang zhing / lha khang rgyal smad du shog zer/ phyin/ ston mo dang rdzong pa'i ster cha rgyas par byung / rgyal stod pa dang sde pa lha khang ba rnams kyi ja zhus dang ster cha bcas 'phrad mi mang bar byung / rgyal stod smad du mang ja/ bsngo rten sogs phul/ de nub ko thang du bsdad/ byang bu/ bsngo zhus sogs byed mi mang bar so so'i 'dod pa bsgrubs/ phyi nyin la dmar la phyin/ nyi ma gdugs 'jam zhing kha reg gi rtser 'ja' 'od 'khyil ba zhig 'dug par/ der o rgyan gtso 'khor dpa' bo mkha' 'gro sogs kyis bskor nas bzhugs yod snyam pa'i mos gus dung pa byung / stod lung nas gzhis gnyer sogs 'phrad mi mang ba rim gyis byung zhing / bde can yangs pa can du slebs/ spyi sos grwa khang bde ba zhig tu bskyal/ mkhan po dang spyi gnyer 'phrad par byon zhing / ster cha zur gsos rgyas par byung / mang ja/ bsngo rten/ spyi 'bul sogs gang legs phul/ mchod mjal du phyin/ zhwa dmar dkon mchog yan lag gis dngul gdung gi gtsos steng shod kyi mchod mjal zhib tu zhus/ byang chub sems dpa' chos 'phags kyi tshems/ mar pa'i dbang bum/ 'phags pa rin po che'i dbu zhwa nyin mo bde legs sogs mjal/ rten rnams la mchod pa/ snyan shal/ dngos bshams yid sprul gyi mchod sprin spros/ phan bde 'byung ba'i smon lam yid tshim par btab/ zhwa dmar bdun pa sku mtshams su bzhugs 'dug par mjal ma thub kyang gnang sbyin dang zur gsos rgyas par stsal/ de nas