[A:336]gza' tshes stabs dpon rin po che dpon slob rnams mgyogs tsam e pheb kyi chos skyong la dri ba zhus par/ tshes pa nyi shu tshun la pheb grub pa'i khag khyag byed sogs lung bstan gnang / khong dpon slob rnams 'gor gzhi che bar 'ong rgyu yin 'dug kyang / dpal ldan lha mo dang chos skyong gis bskul ba lta bur/ rta glo bur du 'ur ba dang tshang ma blo shin tu 'tshubs pa byung 'dug pas khal rnams rjes su bzhag /khong dpon slob rags bsdus drel khal bcas pheb pa'i bang chen snga 'gros pa 'byor 'phral/ chos mdzad ngag dbang grags pa gzhis su 'phros dang pheb bsur de 'phral brdzongs/ phyi nyin mdzod pa'ang pheb gdong du dar yul la byon/ dbon dpon slob rnams sgom khang mdor bzhugs par gzhis nas dpon sa'ang pheb bsur byon te gzhis len gzabs pa mdzad cing / pheb bsu ba rnams dang / sgom khang grwa rigs bcas mi tshogs che ba byung 'dug /tshes bcu dgur sprul sku rin po che rgyan drung bcas kyi dbus chos sde chen po'i bla khag /las tshan/ tsha bo chos mdzad rgan pa/ gsang sbug gi tsha bo a bsam sog ser skya mang ba gzhi sdings bar chibs bsur btang / bkra shis gling du thab bsur tsha mo chos mdzad ma spun kyang rdzong bda' byas/ chos sde nas ser phreng / dar 'phyar rgyas par byas shing / dbang khang 'chi med pho brang du mjal 'phrad byas/ gzhis byes kyi gsung gleng rgyas par byung / sang nyin 'dus tshogs su cho ga stong rtsa dang / mgon khang so sor bskang gso/ spyan gzigs kyi rigs mang ba/ khyad par 'dod khams dbang phyug rdo rje rab brtan ma'i sger bskang rgyas pa/ spyan gzigs bcas 'bul bkod dang / nged rang la rten/