[A:339] nged rang rgyun mjal zhu dgos dang / sprul sku'i gtsug phud 'bul ba dang bcas nged sku dbon lhan du pho brang chen por gong sa chen po yas phyin mjal kha zhu bar phyin par/ sa dbang chen po'i mjal kha bka' drin bskyangs shing / nged rang nas rgyun gyi mjal phyag gi 'bul ba/ dbon rin po che khams nas pheb pa'i phyag 'bul rten/ dbon chung ba sprul skus mjal kha zhu rten rnams so so nas dpangs mtho bar phul zhing / bka' 'dri rgyas pa dang bdag rkyen che ba bka' drin bskyangs/ gong sa chen po'i mjal rten rnams gzims chung 'gag tu phul zhing gsol dpon sngags rams pa lags brgyud bslab ston rgyas par gnang / mgron khang du ston mo sogs bka' drin bskyangs/ phyi nyin 'bras spungs blo gsal gling pa'i rigs grwa'i sku mgron gyi zhabs phyir bslab ston ltar dbon dang nged gnyis kyis phyin zhing / ston mo rgyas par stsal/ nyer gnyis gza' tshes rgyal phur 'dzoms pa'i thog dge slong rin po che brgyud sprul pa'i sku'i gtsug phud phul bar/ thar pa'i mkhan po'i stabs re zhig rab byung rang 'gab tshul dang / slar brgyud 'dzin ma byung na bltas chog bslab ston pheb pa ltar gong sa chen po nas ming bka' drin bskyangs/ dge slong rin po che'i sku zhabs su bar ma rab byung zhus/ ra ma rtse rgyal bur sku zhabs su mjal kha zhu bar dbon rdzong bda' byas shing der brten pha bong khar drug brgya sgrub chen mjal bkod kyang zhus/ mchod dpon lags/ dge slong rin po che/ dge slong ngag dbang dkon mchog /em chi lags/ gsol dpon sngags rams pa/ drung yig lags/ gzims dpon lags/ mgron gnyer