[A:347]gnas su slebs/ dbon rin po che sku mtshams sar ngos kyis phyin/ ltas legs pa kha shas byung 'dug /sprul sku rin po che chos sder gling du pheb pa'i pheb rdzong chibs skyel sogs rgyas par byas/ dgun chos sde chen po'i dus chen khag rab byung bsnyen rdzogs/ khams byang gi 'grul pa rnams kyi mang ja/ cho ga sogs kyi tshogs dbur phyin te byang bu dang bsngo ba byas/ 'dod chos dang / lo mjug gi rim gro rnams bsgrubs/ dgon lag gi brel ba rnams kyang dkyus bzhin dang / me bya lor lo gsar sogs rgyas par byas/ rdzogs pa'i sangs rgyas kyi 'khrungs rabs mdzad pa brgya pa sku thang dgur tshang ba bsam sdings sprul sku ba lhun grub bkra shis dang / a ngang bcas sku mched kyis lo gnyis kyi ring phyag bris mdzad par phog yon shin tu rgyas par phul zhing / gegs med du grub pa'i rab gnas dang / 'bul dpon pas rgyu cha bsgrubs pa'i ganydzi ra gnyis lhan du nged khu dbon dge 'dun lnga bcu skor gyis kun rig la brten pa'i rab gnas rgyas par byas/ nged rang na so'i stabs rgyun gyi bya ba rnams dbon rin po ches mdzad de/ nged rang gcad rgyar bsdad pa'i zla bo tsha bo chos mdzad rgan pas bcar sdod byas shing / zla ba bdun brgyad ring mtshams dam par byung / zhol khang nas bka' 'gyur rin po che mtshal spar ma gdan drangs pa dang / slob dpon chen po'i gser sku sogs bzhengs pa'i rab gnas la phyin/ rab gnas shin tu rgyas pa dang / dbang sogs thugs 'dod ltar byas/ rnyed bkur yang dag byung / ma yum sku skye dang bla ma chos mdzad gnyis khams phyogs su 'bul sdud la rdzong bda'i gra bsgrig dbon nas