[A:350]pa rgyas par phul/ klu kha stod kyi yon bdag rnams kyis byang bu bsngo smon gyi rten sogs ster cha shin tu rgya che ba/ mar 'phyur/ tshwa bal gtso bor gyur pa ci rigs byung zhing / spyan legs kyi byams pa mjal/ snyan shal mchod pa rgyas par phul/ klu kha stod du zhag gnyis thogs par dbang gi rigs kyang mang ba sogs so so'i 'dod pa bsgrubs/ sde pa lha khang bas 'bod mi gnang byung ba ltar phyin te zhag gcig bsdad/ gzhis len yang dag mdzad cing zhal ngo rnams la tshe dbang dang / gur drag sogs dbang kyang phul/ tsha mo lha ldan dang sde pa yum sras bcas par ster cha'ang byas/ rgyal smad grwa rigs rnams dang / rgyal stod yon bdag sogs tshang mas dar ras/ mar 'phyur/ gos snam sogs ster cha byed mi mang bar byung / dge slong mchog ldan gyi spyil bur bos te gzhis len dang / gzhis mis gson byang sogs gang legs mdzad/ lug lhas gser gyi lha khang mjal te snyan dar mchod 'bul dngos bshams dang yid sprul gyis mchod cing / bstan 'gro'i phan bde spel phyir smon lam btab/ rgyal stod smad du mang ja bsngo rten bcas phul zhing bskyod lam rgyan drung pheb ste gzhis su 'ong dgos tshul gsung ba ltar phyin/ zhal ngo rnams dang g.yog rigs bcas par tshe dbang phul/ phyi nyin snga bar dgon gnas nas zhabs drung dbon rin po che dpon slob rnams bsu bar pheb pa dang mjal/ khams phyogs nas a li chos rjes dbus 'grul ba mang bar 'byor zhing / chos rjes cho ga stong rtsa mdzad pa grol bar gtugs par bcas 'phral 'byor dgos tshul gsung ba bzhin gzhis nas bskyod de dgon gnas su 'byor 'phral tshogs dbur phyin/ gos dar/ rol