[A:352]pa'i stabs su 'dug /nged rang la gser/ ja/ rta drel/ mdzo g.yag sogs ster sbyin dpangs mtho bar mdzad cing / dge rtsa byang chub mchog tu bsngo ba'i smon lam yang dag par byas/ rjes gnang sogs 'dod chos phul zhing / pho brang chen por gong sa chen po yas phyin gyi mjal kha zhu bar pheb pa'i/ bslab bya dang rogs ram la mdzod pa lhun grub can rdzong bda' byas shing bdag rkyen bka' drin che ba gnang 'dug /tshur 'byor 'phral bde mchog bong zhal can sogs dbang dang rjes gnang gi rigs mang bar byas te gtsang du pheb/ rab byung bsnyen rdzogs sogs rgyun gyi brel ba rnams dkyus bzhin dang / pho brang chen por mjal kha zhu bar phyin/ mjal kha rgyas shing bdag rkyen gnang sbyin shin tu rgyas par bka' drin bskyangs/ de rjes bod khams bstan 'gro yongs kyi bsod nams kyis ma 'chun pas thams cad mkhyen gzigs rgyal dbang lnga pa chen po re zhig gzugs sku'i bkod pa chos kyi dbyings su mnyam par gzhag pa'i tshul bstan to/ /sa dbang gser gyi 'khor los sgyur ba chen pos 'dzam gling spyi dang / khyad par kha ba ri pa rnams kyi bsod nams kyi zhing du rigs brgya'i khyab bdag lnga pa chen po'i dgongs pa rdzogs thabs dang / 'phags mchog 'jig rten dbang phyug slar yang 'gro ba mtha' dag gi skyabs mgon du pheb pa khams gsum chos kyi rgyal po mchog gi sprul sku drug pa chen po'i zhabs pad bskal brgyar brtan pa'i phyir sngon byon chos rgyal mes dbon gyi mdzad pa dang mtshungs pa'i zhabs brtan lha khang chen mo zhes gandho la 'dzam gling rgyan gcig bzhengs pa bka' drin che ba'i rten gtso lnga pa chen po'i