[A:359]po zas gtsang gi sras 'khor dgra bcom pa'i tshogs kyis bskor ba la mchod rdzas du mas mchod pa'i lha rnams kyis gang ba lta bus blta bas mi ngoms pa'i tshogs bcas pheb par zhal mjal zhus shing / bzhugs sgar du phyin te/ mjal rten nged khu dbon so so nas phul zhing skyabs mgon chen po yas phyin gyi mjal khar bcar skabs phran bu rang gi kha btags shin tu che ba zhig bcas ngos kyi bdag ma shi gong du mchog sprul rin po che pheb pas 'gro ba spyi dang / khyad par bdag sogs rnams thugs nas ma dor ba bka' drin che tshul zhus par spyan hur gyis yun ring du gzigs shing zhal gyi dkyil 'khor 'dzum par gyur/ bzhugs gral du mkhan po thams cad kyi mgor nged rang la gdan mtho ba'i steng du 'jog pa bka' drin che ba sogs gzhan dang mi 'dra bar brtse bas bskyangs/ gsol ja bzhi'i ring 'khor los sgyur ba chen pos rna ba'i bcud len dang mthun par gsung bshad dbyangs can mgrin pa'i dbyangs kyi khengs pa 'phrog nus pa zhig bka' drin bskyangs shing / ston mo dang dga' ston gyi bye brag ji snyed pas 'gro ba rnams dga' bde'i dpal yon du 'khod par gnang bas rgan po'ang blo'i re ba yongs su rdzogs par gyur to/ /de nub brag sna dgon du phyin/ zhag gsum tsam bsdad ring dge slong phan bdes gzhis len rgyas pa dang / rogs dan ci shes mdzad cing / 'phrad mi mang ba'ang byung / rjes gnang sogs 'dod chos kyang ci rigs byas shing dgon par mang ja dang / mkhan por bsngo rten bcas phul te phyir log pas rang gnas su 'byor/ sog yul nas chos rje bstan 'dzin nor bu dpon slob rnams 'byor bar gzhis len rgyas par byas shing /