[A:366]bzos ston mo sogs gzhan dang mi 'dra bar bka' drin bskyangs/ byams gling mkhan rin po cher rnal 'byor ma'i byin rlabs dgos gsung bar phul/ lugs gnyis kyi bka' 'phros kyang zhib par byung / cho 'phrul zla ba'i tshes bcu bzhi'i rgyal phur 'grub sbyor thog gnas brtan chen po 'jam dbyangs grags pa'i sku zhabs nas dbon rin po che bsnyen par rdzogs pa dge slong gi sdom pa legs par stsal ba'i phyag phyir mdzod pa/ ban tshang slob dpon bsam 'phel dang / 'bul dpon chos grags rnams kyis bsnyen rdzogs zhus song / de bstun nged rang gis kyang pho brang du phyin te mchod mjal zhus par/ gong sa chen po sku mtshams stabs mchod sdong chen mo'i thugs mjal ji ltar 'gab zhus par/ chos rje gzhan dang ma 'dra bas khu dbon de kha byas chog tshul bka' drin bskyangs pas mchod mjal rnams shin tu legs par byung / dge slong rin po cher gang ci'i bslab ston zhib par zhus/ zur chas dpangs mtho ba dang / dge 'dun rnams la zhag bcu'i ring sku rim bka' drin bskyangs par/ yon sogs bka' drin che bar gnang 'dug /rim gyis bskyod de gnyan lo chen po'i bzhugs gnas me 'bar gyi gtsug lag khang 'brom stod du phyin/ bskang ba spyan gzigs sogs rgyas par phul zhing / rgyal bstan spyi dang bye brag gi bstan pa dar zhing / 'gro ba rnams la bde skyid 'bad med du 'byung ba'i phrin bcol byas skabs/ yum chen bzhis gtso bo'i sku la dngos su bskor ba byed pa sogs kyi mthong snang shin tu gsal bar byung / dgon lag shab tu phyin/ bla mas gzhis len rgyas par mdzad cing / zhag gnyis bsdad ring