[A:377]legs mdzad/ bar skabs dang mi 'dra ba'i grwa rigs gsar pa mang zhing 'don cha sogs grwa 'grigs par 'dug pas byin rten/ phyag mdud kyang sprad/ bla brang du 'byor nas lo mjug gi rim gro sogs byas/ /lcags 'brug lor lo gsar dang / srid gsum dbang phyug ma mchod cing zla shas mtshams la bsdad/ zhabs drung dbon rin po ches lam 'bras zhig mdzad pa snang gsum grub nas rgyu dbang skabs yon bdag zhig gi sar mchod dbur pheb pas sku grib zhig gis bslangs pa lta bu'i bad kan gyi bsnyung ro langs par sku rim 'phrod bsten sogs byas pas dwangs 'phral rgyud gsum tshugs par gegs med du grub skabs/ ded rang nad ro langs te re grul byung bar 'phrod bsten rim gro sogs byas pas zla gcig nas sangs drag tu gyur/ 'bog gong nas tsha mo bkra shis dpon g.yog byon pa dang 'phrad cing gang spyi'i 'phros gleng zhib par byung / rten 'byung sogs rgyas par mdzad song zhing / rta shin tu legs pa bcas ster cha dang gzhis len gzabs par byas/ gzhis su zla shas bar bzhugs song bar/ yang yang 'phrad par byung zhing / 'byon khar gang spyi'i bslab bya dang ja sogs kyi ster sbyin kyang byas/ zhol khang gi tshong dpon yab sras rnams nged rang la dad 'dun shin tu che ba yin pa nas/ skabs su dbang dang rab gnas sogs la 'gro dgos yod gshis/ zla ba brgyad pa'i nang du sangs rgyas kyi sku bzhengs pa'i rab gnas dang dbang la phyin par bsnyen bkur dang ster chas rgyas par byung zhing / khong pa'i a khu bla ma de nged rang la dad pa thun mong ma yin pa zhig yin pa/ shing khyi