[A:379]ba'ang yod tshul gyi bang phyin byung bar chag la'i bar bsu mi rdzong bda' byas shing / pheb nyin bka' 'gyur rin po cher chibs bsu dang / dge 'dun rnams kyis ser phreng bcas spyan drangs te nges gsang chos 'khor bskor ba'i gtsug lag khang 'du khang gsang sngags pho brang du mchod pa du ma'i dbus su bzhugs su gsol/ sku mdun dpon slob/ nged rang gi bla ma gnyis sogs 'grul pa rnams la zhal gro'i ston mo zhus/ phyi nyin nas bzung sku mdun tshang gis nyin gsum par tshogs chen la stong chog mdzad song bar nged khu dbon tshogs dbur phyin zhing / so so nas byang bu/ bsngo smon sogs byas/ grol nyin rta mang ba/ dre'u/ mdzo g.yag sogs du ma dang / ja nag po 'khor drug sogs ja phon che ba/ khrab/ gos dar sogs ster sbyin rgya cher mdzad par zab pa chos kyi dbyings dang / rgya che ba sems can gyi don du rgyas btab/ yakShi dge legs sogs 'grul bsdebs rnams kyis kyang / rta/ mdzo g.yag /dar ras sogs kyi bsngo rten byung ba rnams kyang mchog gsum dam pa rnams la gsol ba btab ste dmigs yul rnams la skyabs 'jug byas/ bla ma mchog legs kyi tshogs su stong chog mdzad par phyin pa/ rta/ ja phon che ba byung bar dmigs med 'khor gsum yang dag gi bsngo smon byas/ rtse gdong nas bdag chen rin po che pho brang du gong sa chen po yas phyin gyi mjal khar pheb par dgon gnas su pheb dgos tshul gyi zhu yig phul zhing / rim gyis chos sdings nas chibs kha bsgyur bar zhabs drung dbon rin po che sogs chos sde chen po'i bla khag las tshan lnga bcu