[A:137]dkyil 'khor gsum bcas zla ba gcig gi ring stsal ba thob cing / bde mchog dril bu pa dang / 'jigs byed ro langs brgyad skor sogs zur bka' du ma dang / phreng ba skor gsum/ rgyal sras bka' 'bum sogs lung mang ba'ang thob/ dbyar rje dbon rin po ches dbus nged chos zhu ba sum cu skor la rje btsun nA ro mkha' spyod ma'i byin rlabs/ zab khrid/ rdzogs rim/ cha lag rnams dang bcas pa/ bla ma gzugs kyi dpal bas mdzad pa'i chos skor dang / yig cha phyi ma rnams dang bcas pa'i lung indra dang mai tri mkha' spyod kyi gtsos dmar mo skor gsum sogs tshar lugs thun mong ma yin pa'i gser chos rnams kyi rjes gnang dang byin rlabs/ lung gi rigs kyang du ma zhig stsal/ skye ba snga ma'i stobs 'di skabs rje btsun rdo rje rnal 'byor ma la mos gus shin tu che bas bla ma sangs rgyas dngos 'di lta bu la gdams ngag thun mong ma yin pa 'di thob nas gdams pa 'di la g.yeng ba thams cad spangs nas nyams len rtse gcig tu bya snyam pa yod kyang / phyis zin med chu gnyer lta bu'i g.yeng bas 'dod pa bzhin ma grub/ 'on kyang khrid zhu ba'i skabs der/ dad gus dung dung byas pa'i tshe bla ma rje btsun mar gsal lam lam mthong ba dang / rmi lam du bla ma rdo rje chos 'od du zhu nas rang la thim pa sogs byung bas rje btsun mas rjes su 'dzin par dgongs pa zhig yin 'dra bsam/ ston a 'dus sku mched gnyis sogs