[A:142]'phral gyi sne len rnams byas/ gtor spod/ bskang ba/ dus chen sogs char chen gyi rigs kyang zhabs phyi zhus/ lcags stag lor zla ba dang po'i nang du dkon mchog spyi 'dus tshe sgrub dang bcas pa/ tshar lugs 'jigs byed phyag gnyis pa/ rgya mtsho nas gsung pa'i 'jam dpal rdo rje gtso rkyang / sgrol dkar rnams kyi bsnyen pa dang / dbyar sgom khang du sgrub mchod/ bskang ba/ dmar khrid/ gcod khrid sogs byas/ ston nA lendra'i gtsug lag khang mgon khang chen mo'i thog gtsang khang gi bskor lam/ rung khang chen mo spyi mdzod sogs kyi zhig gsos la gong ma chos kyi rgyal po khu dbon gyis bslab ston stsal ba bzhin klu kha stod nas dga' mo bar grong tsho rnams la dbang sbyin dang / dge bskul la dpon slob mang tsam phyin pas lung pa sa lugs su dad zhen che ba dang / gong ma khu dbon gyi thugs rjes phyin pa tsam gyis dad gus kyi snang ba 'gyur te khrom shin tu che ba dang / mig nas mchi ma 'khrug bzhin du phyag 'tshal ba/ smre bshags bya ba/ smon lam sogs 'ur dir byed cing nyin re bzhin grong tsho rnams su dbang sbyin dang / dgong re bzhin gtso che ba rnams la gur drag /rta mgrin/ mgon po sogs dbang / rjes gnang / bsngo ba/ byang bu/ rab gnas sogs gang 'dod kyi re ba bskangs shing / sbyin bdag dpon khag dang gzhi gnyer yul grong tshang mas dar ras/ snam bu/ sha /mar/ phyugs che chung sogs shin tu mang ba dang / nas sran yul bre'i khal stong dang brgyad brgya lhag tsam byung ba bla ma dang mchog gsum dgyes pa'i mchod sprin du phul zhing / dmigs yul shi gson gyi gtsos sems