[A:146]'jam mgon khri chen rin po che spyan drangs te/ gser dang / dngul gyi maNDal/ gos dar/ ja/ rta sogs kyi 'bul ba rgya chen po phul/ bstan 'gro'i phan bde spel phyir bsngo smon gyi rgyas 'debs smin rgyas bka' drin che bar stsal/ tshogs chen du tshe dbang dang / 'jam dbyangs dmar ser sogs kyi chos 'brel stsal zhing gtsang du chibs kha bsgyur/ nged rang gis rgyal nang bar chibs skyel la phyin/ dges pa chen pos phyag mdud byin rten dang gnang sbyin stsal/ rje dbon rin po che'i zhabs phyi/ bla khag /las tshan rnams kyis zhus nas pho brang chen por pheb rdzong 'bul bar pheb/ nged rang gis gong ma'i sku zhabs su bsdad/ tsha ba bla ma dpal ldan 'od zer gyis gtsos 'grul pa mang tsam dang / nyag bre nas a hrang bla ma'i 'bul skyes ba 'byor pas sne len gang drag byas/ ! chu 'brug lor gong ma rin po ches sku skyom me ba zhig bsnyun gyin yod pas sku mtshams bcad rgya dam par gnang / thugs dam nyams bzhes kyi rim pa ni khor yug chag med du nyams su bzhes pa ni gong ma nyid kyi rnam thar du gsal ba ltar phal gyi blo yul du chud par dka' ba zhig go /rje dbon rin po ches ljags bkod gnang ste sku rim du tshe gzungs 'bum ther/ tshe chog stong rtsa/ bka' 'gyur/ 'bum rtsa thon tshar bcu tsam dang / gser 'od/ gzungs 'dus/ kun rig cho ga stong rtsa gsum/ rnam rgyal stong mchod/ sher snying 'bum ther sogs tshogs chen gyi dbyar ston gnyis sgor re ba zhig sgrub pa dang / chos lung nas grub pa'i dbang phyug chos grub dpal bzang spyan drangs/ tshe dbang