[A:153]ma grub pa'i/ nged la gong ma chos kyi spyan ldan gyi dngul gdung sogs rten bzhengs dang / dgongs rdzogs kyi rim pa/ dgon pa'i 'dzin skyong sogs zhib par bka' gnang nas/ gong ma chos kyi rgyal po'i drung du pheb bzhed kyi zla ba gsum pa'i tshes nyi shu'i nyin nam mkha' nas sgra shin tu che ba 'od dkar po nub tu rgyug pa dang bcas gzugs sku chos kyi dbyings su thim pa'i tshul bstan/ bdag cag rnams ci bya gtol med du gyur te gdong mchi mas khengs pa dang / la la dran med du brgyal bar gyur to/ /dam pa'i rgyal tshab rje dbon rigs brgya'i bdag /gzugs sku bde chen zhing du bsdus pa'i tshe/ /bdag la lugs gnyis bslab cha'i zhal gdams stsal/ /'od dkar sgra dang bcas te mkha' la byon/ /skyabs gcig thugs rje'i 'od stong ldan pa de/ /chos dbyings nub ri'i phag tu gzims pa na/ /mos gus ze'u 'bru rgyas pa'i chu skyes bdag /mya ngan gdung ba'i sems kyi 'dab ma zum/ /de ltar khu dbon zung gi dgongs pa'i mtha'/ /mtha' bral chos kyi dbyings su rdzogs pa'i ched/ /ched du kun bzang mchod pa'i sprin phung du/ /du mar yid kyi sprul dang mngon sum bsgrubs/ /de nas tshang ma gros dang bcas te sku gdung rin po cher chas zhugs phul te/ me tog /spos/ mar me brgya phrag du ma dang / maNDal/ bla bre/ 'phen/ gdugs/ rol mo sogs mchod pa'i bye brag mthong ba tsam gyis yid 'khul ba bshams/ bla ma sangs rgyas la gsag sbyang ga la dgos kyang gdul bya rnams