[A:178]ltar rgyas par gyur/ dgon lag so sor gcung rin po che pheb// ! sa khyi lor zla ba dang por khams gsum chos kyi rgyal po rgyal dbang thams cad mkhyen pa chen po dang / sa dbang chen po'i mjal kha zhu ba dang / bstan 'dzin chos kyi rgyal po'i bzhugs khrir rgyal sras bstan 'dzin da yan rgyal po rgyal srid du dbang bskur ba gnang ba'i khri 'bul du/ nged rang las tshan bcas pas phyin te ra sa 'phrul snang gi sde chen por slebs/ rtse gdong nas 'jam mgon chos kyi rgyal po byams pa bsod nams chibs kha bsgyur 'dug pas/ phyag dbang du phyin/ thugs shin tu dgyes pa dang bcas pas nged rang dpon slob khri 'bul gyi mjal khar lhan du shog gnang bar/ bslab don ltar zhu ba gzhir bcas zhus/ gnas tshang du slebs nas khyed dpon slob kyis mgron gnyer sogs la snyan 'bul gnang mi dgos/ 'di nas zhus chog gsungs/ phyi nyin rdo ring gi rtsa ba la 'byor skabs rtsi bzhag gnang mi sku tshab gnyis kyis de ring gtsang pa rnams las dbus pa min gshis bslab ston zhu dgos pheb pa rgyang tsam song skabs/ sku zhabs nas gzims zhu ba gnang nas/ khyed dpon slob sang byon chog gi bslab ston gnang byung bas gnas tshang du log /phyi nyin legs 'bul bzhugs gral du nged rang dang / byams gling mkhan po gnyis la tshang ma'i mgor gdan bzos che shing ston mo sogs dpangs mtho ba bka' drin gzhan las che ba gnang / phyi nyin gsol tshigs grol 'phral gong sa chen po'i mjal kha'i thog /brtse ba chen pos dbang dang rjes gnang gi phyag len skor gyi dri ba zhib tu stsal/